Borivali News: ड्रेनेजमध्ये गुदमरून एका कामगाराचा मृत्यू

मुंबईच्या बोरीवली पश्चिमेकडील शिंपोली परिसरात ड्रेनेजमध्ये सफाई करण्यासाठी उतरलेल्या दोन कामगारांपैकी एकाचा मृत्यू झाल्याची घटना घडलीय. दुसरा कामगार गंभीर जखमी झाला आहे. बोरिवली पश्चिमेकडील शिंपोली डीजे पालकवर असलेल्या ड्रेनेज लाईनमध्ये सफाई केली जात होती, त्यावेली ही दुर्घटना घडली. या घटनेची माहिती मुंबई अग्निशमन दलाच्या जवानांना कळताच अग्निशमन दलाचे जवान तात्काळ घटनास्थळी दाखल झाले. त्यांनी दोघांनाही ड्रेनेजमधून बाहेर काढले. मात्र यात एका कामगाराचा मृत्यू झाला तर दुसरा कामगार जखमी झालाय. त्याला जवळच्या रुग्णालयात उपचारासाठी दाखल करण्यात आले आहे.