Shalarth ID Scam: बोगस शालार्थ आयडी घोटाळा प्रकरणात मोठी अपडेट; ६८० शिक्षकांना अटक होणार? VIDEO

बोगस शालार्थ आयडी घोटाळ्याने शिक्षण विभागात खळबळ उडाली आहे. सायबर पोलिसांनी आतापर्यंत तब्बल १,०८० शालार्थ आयडींची तपासणी केली असून यामध्ये ६८० शिक्षकांचे आयडी बोगस असल्याचे धक्कादायक वास्तव समोर आले आहे. या घोटाळ्यातील मुख्य सूत्रधार नीलेश वाघमारे याला एसआयटीने अटक केली आहे. मात्र, प्रकरणातील महत्त्वाचा आरोपी आणि माजी उपसंचालक सतीश मेंढे अद्यापही फरार आहे. याप्रकरणी १२ मार्च रोजी सायबर पोलिसांकडे पहिल्यांदा गुन्हा दाखल करण्यात आला होता. त्यानंतर तपास वेगाने सुरू आहे. मोठ्या प्रमाणावर शिक्षकांच्या अटकेची शक्यता वर्तवली जात असून शिक्षण विभागातही यामुळे भीतीचे वातावरण आहे.