BJP Candidate List : भाजपची दुसरी यादी कधी जाहीर होणार? माहिती आली समोर | Marathi News

भाजपची दुसरी यादी लवकरच जाहीर होण्याची शक्यता आहे. त्याअनुषंगाने भाजपच्या बैठकांचा सिलसिला सुरू झाला आहे. भूपेंद्र यादव आणि चंद्रशेखर बावनकुळे हे सध्या सागर बंगल्यावर दाखल झाले आहेत. देवेंद्र फडणवीस यांच्यासोबत दुसऱ्या यादीतील उमेदवारीची चर्चा केली जाणार असून यासाठी भाजपचे सगळे जेष्ठ नेते सागर बंगल्यावर उपस्थित असल्याचं सूत्रांकडून सांगण्यात आलं आहे.

दोन दिवसांपूर्वी भाजपने आपल्या 99 उमेदवारांची पहिली यादी जाहीर केली होती. त्यानंतर नाराज आणि इच्छुक उमेदवारांच्या बैठक सागर बंगल्यावर होताना दिसून आल्या. त्यानंतर आता आज याच सगळ्या इच्छुकांबाबत महत्वाची बैठक सागर बंगल्यावर भाजपच्या सर्व जेष्ठ नेत्यांमध्ये होणार आहे. यासाठी भाजपचे प्रभारी भूपेंद्र यादव आणि प्रदेशाध्यक्ष चंद्रशेखर बावनकुळे हे देखील सागर बंगल्यावर आलेले आहेत.

Edited By Rakhi Rajput