Municipal Elections : पुणे, पिंपरीत भाजपचे 'एकला चलो रे', अजित पवार काय निर्णय घेणार?

CM Fadnavis Pune Meeting : पुणे आणि पिंपरी-चिंचवड महापालिका निवडणुकीत भाजपने एकटं लढण्याचा निर्णय घेतल्याची माहिती समोर आली आहे. महापालिका निवडणुकीत भाजप अजित पवारांच्या राष्ट्रवादी काँग्रेसशिवाय लढणार असल्याची चर्चा राजकीय वर्तुळात सुरू आहे. याच संदर्भात मुख्यमंत्री देवेंद्र फडणवीस यांनी पुण्यात मुरलीधर मोहोळ आणि चंद्रकांत पाटील यांच्यासोबत महत्त्वपूर्ण बैठक घेतली आहे. या बैठकीत आगामी निवडणुकीच्या रणनीतीवर चर्चा झाल्याचे समजते. येत्या आठवड्यात १० माजी नगरसेवक भाजपमध्ये प्रवेश करणार, अशी माहिती समोर येत आहे. पुण्याच्या राजकारणात यामुळे मोठी उलथापालथ होण्याची शक्यता वर्तवली जात आहे.

पुढील आठवड्यात राज्यात कोणत्याही क्षणी महापालिका निवडणुका होण्याची शक्यता आहे. पण महायुतीमधील जागावाटप अद्याप संपलेले नाही. १३ महापालिका निवडणुकींत पेच असल्याचे समोर आलेय.