Mahayuti News : महायुतीत मुख्यमंत्री ठरला? देवेंद्र फडणवीसांच मोठं विधान, पाहा Video

विधानसभा निवडणुकीनंतर महायुतीचं सरकार आलं तर महायुतीतून मुख्यमंत्री कोण असेल याबद्दल उत्सुकता कायम असतानाच आता मनसे अध्यक्ष राज ठाकरे यांनी एका मुलाखतीत केलेल्या वक्तव्यानंतर आता चर्चाना उधाण आलं आहे. 'मनसेच्या साथीनेच भाजपचा मुख्यमंत्री होईल', असं विधान राज ठाकरे यांनी केलं आहे. त्यामुळे राजकीयवर्तुळात सगळ्यांच्या भुवया सध्या उंचावल्या आहेत. मात्र यावर बोलताना उपमुख्यमंत्री देवेंद्र फडणवीस यांनी सावध प्रतिक्रिया दिलेली दिसली आहे. 'राज ठाकरे यांच्या शुभेच्छांचा मी आदराने स्वीकार करतो. मात्र सरकार महायुतीचं येईल, भाजपचं नाही. त्यामुळे मुख्यमंत्रीसुद्धा महायुतीचाच असेल फक्त भाजपचा नाही, ही काळ्या दगडावरची पांढरी रेघ आहे', असं देवेंद्र फडणवीस यांनी म्हंटलं आहे.

दरम्यान, राज ठाकरे यांच्या सूचक वक्तव्याने मात्र महायुतीत नेमकं काय खलबत सुरू आहे, असा प्रश्न उपस्थित होत आहे.

Edited By Rakhi Rajput