NASA Smart Tire: तुमचा टायर आता कधीही फुटणार नाही, नासानं बनवला अफलातून टायर; पाहा व्हिडिओ

भरत मोहळकर, साम टीव्ही, प्रतिनिधी

गाडी चालवताना अचानक टायर पंक्चर होऊन मनस्ताप सहन करावा लागतो. तर कधी टायर फुटल्याने जीवघेणा अपघातही होतो... मात्र आता नासाने निकेल टायटेनियम पासून सुपर इलॅस्टिक टायर बनवलाय. ज्यात टायर पंक्चर होणं, टायर फुटणं एवढंच नाही तर दगड-धोंड्यांच्या रस्त्यावरूनही गाडी चालू शकते, असा अनोखा टायर बनवलाय.. या टायरची वैशिष्ट्ये काय आहेत हे जाणून घेऊ...

कधीही पंक्चर न होणारा टायर

हा टायर नासाच्या ग्लेन रिसर्च सेंटरने तयार केला आहे. हा सुपरइलॅस्टिक टायर आहे. निकेल टायटेनियमपासून हा टायर बनवण्यात आलाय. हा टायर पंक्चर होण्याची किंवा फुटण्याची शक्यता नाही. कोणत्याही वातावरणात चालू शकणारा हा टायर आहे. टायरमध्ये हवा भरण्याची गरज नाही. खाली आलेल्या वस्तुनुसार टायर मोल्ड होतो.