Nashik Accident: रात्रीच्या अंधारात थेट खड्ड्यात कोसळला; दुचाकीस्वाराचा जागीच मृत्यू, थरार CCTVत कैद

नाशिक : नाशिकमध्ये पाईपलाईन दुरुस्तीसाठी खणलेला खड्डा मृत्युचा खड्डा बनल्याचं समोर आलंय. कारण भगूर परिसरात पाईपलाईन दुरुस्तीसाठी खणलेल्या खड्ड्यात पडून ४४ वर्षीय व्यक्तीचा दुर्दैवी मृत्यू झाल्याची घटना घडलीय. अमित गाढवे, असं या घटनेत मृत्यू झालेल्या व्यक्तीचं नाव आहे. या घटनेमुळे नागरिकांमधून मोठा संताप व्यक्त होत आहे. रात्रीच्या अंधारामध्ये दुचाकीस्वार थेट खड्ड्यात पडल्याचं समोर आलंय, ही थरारक घटना सीसीटीव्हीत कैद झालीय.

अमित दुचाकीवरून जात असताना पाईपलाईन दुरुस्तीसाठी खणलेल्या खड्ड्यात पडला. या घटनेत अमितचा मृत्यू झालाय. पाईपलाईन दुरुस्तीच्या कामानंतर देखील खड्डा न बुजवल्याने अमित गाढवेला जीव गमवावा लागला, असं बोललं जात आहे. भगूर नगरपरिषद या घटनेला जबाबदार आहे, असा आरोप स्थानिक नागरिकांकडून केला जातोय. काम झाल्यावर खड्डा न बजावणाऱ्या संबंधितांवर कडक कारवाई करा, अशी मागणी नागरिकांमधून होतेय.