Viral Video: धबधब्यावर गेलेल्या 6 मुली वाहून गेल्या, पर्यटकांनी धाडस दाखवले अन् VIDEO

सहलीसाठी गेलेल्या सहा मुलींना जीवघेणा प्रसंग ओढवला आहे. पाण्याचा जोरदार प्रवाह सुरु असताना या मुली त्यात अडकल्या आणि वाहायला लागल्या. एका मुलीनं कसंबस स्वतःचा जीव वाचवला, तर इतर मुलींना पर्यटकांनी वेळीच मदत करत वाचवलं. यामध्ये एका मुलीला गंभीर दुखापत झाली असून तिच्यावर उपचार सुरु आहेत. बिहारमधील गया जिल्ह्यात ही घटना घडलीय.मिळालेल्या माहितीनुसार, ही घटना बिहार राज्यातील गयाजी जिल्ह्यातील इमामगंज ब्लॉक परिसरात घडली आहे. लुंगूरही टेकडीजवळील धबधब्याला अचानक पुर आल्याने तिथे सहलीला गेलेल्या सहा मुली पुराच्या पाण्यात वाहून गेल्या. धबधब्याच्या अचानक वाढलेल्या पाण्यामुळे काही वेळातच परिसरात खळबळ उडाली. पुराच्या पाण्याचा वेग इतका होता की कोणालाही काहीच कळत नव्हते. मुली पाण्याच्या प्रवाहात वाहत गेल्या. मात्र तेथे असलेल्या तरुणांनी हिम्मत दाखवत थेट पाण्यात उतरून मुलींना सुखरूप बाहेर काढले.