NEET UG Exam: नीट पेपर फुटी प्रकरणात मोठी कारवाई, देशभरातून १६ संशयितांना ताब्यात

नीट परीक्षा पेपर फुटी प्रकरणामध्ये मोठी अपडेट समोर आली आहे. या प्रकरणात देशभरातून १६ संशयित आरोपींना तपास यंत्रणांनी ताब्यात घेतलं. यामध्ये राज्यातून २ जणांचा समावेश आहे. तपास यंत्रणांनी नाशिकमधून एका आरोपीला ताब्यात घेतलं. इंदिरानगर पोलिस ठाण्याच्या हद्दीतून ताब्यात एका आरोपीला नाशिक पोलिसांच्या क्राईम ब्रँचने ताब्यात घेतलं. ३० वर्षांचाआरोपी मूळचा नांदगावचा आहे. तो बीएएमएसचा विद्यार्थी आहे. नाशिक क्राईम ब्रांच राजस्थान पोलिसांकडे आरोपीचा ताबा देणार आहे.

राजस्थान पोलिस आरोपीचा ताबा घेण्यासाठी नाशिककडे रवाना झाले आहेत. राजस्थान पोलिसांच्या गोपनीय माहितीनुसार नाशिक क्राईम बांचने कारवाई केली. तांत्रिक माहितीद्वारे आरोपीचा फोटो मिळवून आरोपीचा पोलिसांनी शोध घेतला. इंदिरानगर परिसरात आरोपीचा शोध घेत पोलिसांनी त्याला ताब्यात घेतलं. शुभम खैरनार असं आरोपीचे नाव आहे. आरोपीने पेहराव बदललेला असताना देखील नाशिक पोलिसांनी मोठ्या शिताफीने त्याला ताब्यात घेतलं.