एसटीचा प्रवास धोक्याचा! वाहकाची मुजोरी, भंडाऱ्यात महिला एसटी बस वाहकाची प्रवाशाला मारहाण|VIDEO

एसटीचा प्रवास, सुखाचा प्रवास" हे ब्रीद असलेल्या एसटी महामंडळाच्या महिला वाहकाने एका प्रवाशाला लाथाबुक्क्यांनी बेदम मारहाण केल्याची घटना घडली आहे. ही घटना भंडाऱ्याच्या लाखनी येथील एसटी बस स्थानकावर घडली. नागपूरच्या वर्धमाननगर एसटी डेपोची बस प्रवाशांना घेऊन जेव्हा लाखनी बस स्थानकावर पोहोचली, त्यानंतर महिला वाहक आणि या प्रवाशांमध्ये वाद झाला आणि त्यातूनच ही मारहाण झाली.

नेमका वाद कशातून झाला, हे स्पष्ट झालं नसलं तरी एका महिला वाहकानं प्रवाशाला मारहाण केल्याचा हा व्हिडिओ मात्र आता समाजमाध्यमावर प्रचंड व्हायरल होत आहे. मागील आठवड्यात भंडारा बस स्थानकाच्या एका महिला वाहकानं प्रवास करणाऱ्या शालेय विद्यार्थिनीचे डोक्याचे केस पकडल्याचा एक व्हिडिओ समोर आला होता. त्यानंतर ही घटना समोर आली आहे.