Sanjay Raut: बीड पोलीस खात्यावर गृह मंत्र्यांचा नाही, तर अज्ञात शक्तीचा ताबा; संजय राऊत यांचा गंभीर आरोप, VIDEO

सरपंच संतोष देशमुख हत्येनंतर बीडमधील एकेक गंभीर गुन्हे बाहेर येत आहे. काही गुन्हे हे अनेक वर्षांपासून तक्रार करूनही त्यांना न्याय मिळाला नसल्याचे समोर आले आहे. यावर अनेक वेळा सामाजिक कार्यकर्त्या अंजली दामनिया यांनी देखील अनेक खुलासे करत बीड पोलिसांच्या कार्यवाहीवर प्रश्न उपस्थित केले आहे.

बीडच्या पोलीस खात्यावर एका अज्ञात शक्तीचे नियंत्रण आहे असा गंभीर आरोप ठाकरे गटाचे खासदार संजय राऊत यांनी केला. बीडचंं पोलीस खातं हे देवेंद्र फडणवीस यांच्या नकाशावर आहे की नाही गृहमंत्री म्हणून अजूनही हा प्रश्न आमच्या समोर आहे असा सवाल त्यांनी उपस्थित केला. तसेच बीडच पोलीस खातं हे मुंबईतून नियंत्रन केले जातं नसून कोणीतरी एक अज्ञात शक्ति आहे जी हे नियंत्रित करत असल्याचा खळबळजनक आरोप संजय राऊत यांनी केला.