Walmik Karad : कराड - पीआयमधील कथित संभाषण; पोलीस अधीक्षक नवनीत कावत सत्यता पडताळणी करणार | Video

खंडणी प्रकरणातील आरोपी वाल्मिक कराड ज्या बीड शहर पोलीस ठाण्यात होता, त्या ठिकाणी पोलीस अधिकारी असलेल्या शीतलकुमार बल्लाळ यांची वाल्मिक कराड याच्याशी बोलतानाची कथित ऑडिओ क्लिप व्हायरल झाली आहे. सनी आठवले आणि त्याच्या साथीदारांवरती मकोका अंतर्गत कारवाई होण्याचे संकेत आहे. अशावेळी वाल्मिक कराड आणि शीतलकुमार बल्लाळ यांची ऑडिओ क्लिप व्हायरल झाली आहे. साम टीव्ही या ऑडिओ क्लिपची पुष्टी करत नाही.

सनीला कशात गुंतवू नका. झाल्या चुकीची तो माफी मागत आहे. तो सध्या माझ्याकडे कार्यरत नसला तरीही तो माझ्या भावासारखा आहे. सध्या स्थानिक राजकारणामुळे योगेश याचे जमत नाही म्हणून तो सध्या तिकडे गेला आहे. हे आमदारांचं राजकारण नाही. स्थानिक आहे. माझ्यावर विश्वास ठेऊन त्याच्यावर कारवाई करू नका. अशा आशयाची बातचीत झाल्याचं या ऑडिओ क्लिपमध्ये ऐकायला येत आहे. आता या ऑडिओ क्लिपची पोलीस अधीक्षक नवनीत कावत सत्यता पडताळणी करणार असल्याचं सूत्रांकडून सांगण्यात आलं आहे.