Santosh Deshmukh Case : कृष्णा आंधळेच्या कुटुंबाची सीआयडी चौकशी होणार | Video

सरपंच संतोष देशमुख हत्या प्रकरणातील आरोपी कृष्णा आंधळे हा गेल्या ५१ दिवसांपासून फरार आहे. आता त्याच्या कुटुंबाला पोलिसांनी चौकशीसाठी बोलावलं आहे. त्यामुळे आता सरपंच हत्या प्रकरणी सीआयडीकडून आता फरार कृष्णा आंधळेच्या आई - वडिलांची देखील चौकशी केली जात आहे.

बीडचे माजी सरपंच संतोष देशमुख हत्या प्रकरणात आरोपी असलेल्या कृष्णा आंधळेचा तपास अद्यापही पोलिसाना लागलेला नाही. इतर ७ आरोपी सध्या पोलिसांच्या ताब्यात असून त्यांची चौकशी सुरू असली तरी कृष्णा आंधळे मात्र अद्यापही फरार आहे. कृष्णा आंधळे याला पोलिसांनी फरार घोषित केलेलं आहे. त्याची माहिती देणाऱ्याला बक्षीस देखील देण्यात येणार आहे. त्याच्या तपासासाठी पोलिसांचे पथक देखील राज्याच्या विविध भागात रवाना करण्यात आलेले आहे. त्याच अनुषंगाने आता सीआयडीने कृष्णा आंधळे याच्या आई वडिलांची चौकशी करण्याचं ठरवलं असून त्यासाठी त्यांना बोलावण्यात आलेलं आहे.