Badlapur Local : दसरानिमित्त लोकल सजवली, डब्यात पताका लावल्या; प्रवाशांनी प्लॅटफॉर्मवर खेळल्या फुगड्या, VIDEO

दसऱ्याच्या पार्श्वभूमीवर बदलापूरकर प्रवाशांनी मुंबईकरांची जीवनवाहिनी असलेल्या लोकल ट्रेनमध्ये आगळावेगळा उत्सव साजरा केला. बदलापूर रेल्वे स्थानकात महिला प्रवाशांनी पारंपारिक पध्दतीने भोंडल्याचा फेर धरला आणि फुगड्या खेळत आनंद व्यक्त केला आहे. यावेळी प्रवाशांनी लोकलच्या डब्यांना रंगीबेरंगी पताका, फुगे आणि फुलांची आरास करून डब्बे सजवले. लोकलमध्ये सजावट पाहून प्रवाशांमध्ये आनंदाचे वातावरण निर्माण झाले. दसऱ्याच्या निमित्ताने केलेल्या या उपक्रमामुळे लोकलमध्ये सणासुदीचे वातावरण अनुभवायला मिळाले. प्रवाशांनी परस्परांना शुभेच्छा देत आनंदोत्सवाचे रूपांतर लोकलमध्ये केले असून, या उपक्रमाचे सर्वत्र कौतुक होत आहे.