Akshay Shinde Encounter : अक्षयच्या मृतदेहावर जे जे रुग्णालयात शवविच्छेदन

एन्काउंटरनंतर आता अक्षय शिंदेचा मृतदेह शवविच्छेदनासाठी जे जे रुग्णालयात आणण्यात आला आहे. शवविच्छेदनानंतर अक्षयचा मृतदेह नातेवाईकांकडे सोपवण्यात येणार आहे. सोमवारी रात्री अक्षयच्या नातेवाईकांसमोरच त्याच्या मृतदेहाचा पंचनामा करण्यात आला होता. त्यानंतर आता मंगळवारी सकाळी मृतदेह शवविच्छेदनासाठी जे जे रुग्णालयात दाखल करण्यात आला आहे. त्यानंतर मृतदेह नातेवाईकांना सोपवण्यात येईल.

बदलापूरमध्ये दोन शाळकरी मुलींवर लैंगिक अत्याचार प्रकरणातील आरोपी अक्षय शिंदेचा पोलिसांनी सोमवारी रात्री एन्काउंटर केला होता. पोलिसांसोबत झालेल्या झटापटीत पोलिसांनी स्वसंरक्षणसाठी अक्षयवर गोळ्या झाडल्या. त्यात त्याचा मृत्यू झाला. रात्री पंचनामा केल्यानंतर आता जे जे रुग्णालयात त्याच्या मृतदेहावर शवविच्छेदन करण्यात येणार आहे.