Bachchu Kadu Slams Devendra Fadnavis: फडणवीसांची ही प्रवृत्ती रामाची नसून रावणाची; बच्चू कडूंचा जोरदार प्रहार |VIDEO

विधानसभा निवडणुकीच्यावेळी महायुती सरकारने आपल्या जाहीरनाम्यात शेतकऱ्यांचा सातबारा कोरा करू असे आश्वासन दिले होते. मात्र सरकार स्थापन वर्ष झाले अद्यापही शेतकऱ्यांना कर्जमाफी जाहीर झाली नसल्याने विरोधकांनी सरकारला चांगलेच धारेवर धरले आहे. यावरूनच आता प्रहार संघटनेचे प्रमुख आणि माजी मंत्री बच्चू कडू यांनी मुख्यमंत्री देवेंद्र फडणवीसांवर जोरदार तोफ डागली आहे. निवडणुकीच्या अगोदर मुख्यमंत्री देवेंद्र फडणवीस हे शेतकऱ्यांचा सातबारा कोरा कोरा करू असे म्हणत होते.

आता सत्तेवर बसल्यानंतर मुख्यमंत्री फडणवीस यांचे शब्द बदलले आहेत. ते आता म्हणत आहे की दुष्काळ पडू द्या आपण कर्जमाफी करू. आता शेतकऱ्यांनी कर्जमाफी कर्जमाफी म्हणून काय खोदून मरावं आणि ते आम्ही सर्वांनी पहावं. आणि त्यानंतर कर्जमाफी करावी ही प्रवृत्ती रामराज्याची नसून रावणाची आहे, असे म्हणत माजी मंत्री बच्चू कडू यांनी मुख्यमंत्री देवेंद्र फडणवीस यांच्यावर सडकून टीका केली आहे.