Attari Border: अटारी बॉर्डरवर पाकची दादागिरी, सलग दुसऱ्या दिवशीही गेट बंद|VIDEO

पहलगाम हल्ल्यानंतर भारतातून परत जाणाऱ्या पाकिस्तानी नागरिकांना अटारी सीमेवर अडवण्यात आलं आहे. सलग दुसऱ्या दिवशी पाकिस्तानने आपला गेट न उघडल्याने अनेक पाकिस्तानी नागरिक अडकले आहेत. भारत सरकारकडून त्यांच्या मायदेशी परतीसाठी आवश्यक ती सर्व परवानगी देण्यात आली असूनही पाकिस्तानकडूनच त्यांना परत घेतले जात नाहीये.

या घटनेमुळे सीमेवर मोठी घालमेल आणि गोंधळाचे वातावरण निर्माण झाले आहे. लहान मुलं, महिला आणि वयोवृद्ध नागरिक या बंदतेमुळे त्रस्त झाले आहेत. अन्नपाणी, औषधं आणि निवारा या मूलभूत गरजांसाठीही त्यांना अडचणींना सामोरे जावे लागत आहे.

पहलगाम येथील हल्ल्यानंतर भारताने कायदेशीर स्ट्रइक करत भारतात असलेले सर्व पाकिस्तानी नागरिकांना दोन दिवसात देश सोडण्याचे आदेश दिले. त्यानंतर सर्व पाकिस्तानी नागरिक देश सोडत आहे. मात्र पाकिस्तानच त्यांना परत न घेताना दिसत आहे.