Ashok Patil News | "अहो मी आमदार आहे, मला सोडा" अशोक पाटील यांना पोलिसांकडून धक्काबुक्की!

Ashok Patil | महायुतीच्या उमेदवार मिहिर कोटेचा यांचा उमेदवारी अर्ज दाखल करण्यासाठी आलेल्या शिंदे गटाचे माजी आमदार अशोक पाटील यांना पोलिसांकडून धक्काबुक्की करण्यात आली. अशोक पाटील हे मिहिर कोटेचा यांच्यासोबत निवडणूक निर्णय अधिकाऱ्यांच्या कार्यालयात जात असताना त्यांच्यासह काही जणांना अडविण्यात आल्याने काही वेळ गोंधळ निर्माण झाला होता. अशोक पाटील यांना पोलिसांना "अहो मी आमदार आहे, मला सोडा असे बोलत आपण आमदार असल्याची ओळख करून देण्याची वेळ आली. अखेर, पोलिसांचा विरोध झुगारून ते आतमध्ये जाताना दिसले. याच मतदार संघामध्ये काही दिवसांपूर्वी भाजपाच्या पहिल्या जाहीर सभेत बाळासाहेब ठाकरे यांचा फोटो नसल्याने शिंदे गटाच्या कार्यकत्यांनी नाराजी व्यक्त करत सभा थांबवली होती.