Pandharpur News: चंद्रभागेतील मंदिरांना पाण्याचा वेढा, ६ वारकरी बुडताना वाचले, कोळी बांधव देवदूत म्हणून धावले|VIDEO

आषाढी वारीसाठी मोठ्या प्रमाणावर पंढरपूरमध्ये भाविकांची गर्दी वाढू लागली असतानाच चंद्रभागा नदीत स्नान करताना बुडणाऱ्या सहा वारकऱ्यांचे प्राण येथील कोळी समाज बांधवांनी वाचवले. जिल्हा प्रशासनाने नियोजित केलेल्या मदत पथकातील कोळी बांधवांनी प्रसंगावधान राखून तत्काळ नदीपात्रात उडी घेतली आणि सर्व भाविकांना सुखरूप बाहेर काढले.

स्नानासाठी गेलेले वारकरी पाण्याचा अंदाज न आल्याने खोल पाण्यात गेले होते. अचानक पाय घसरल्याने बुडण्याची स्थिती निर्माण झाली. मात्र, कोळी समाजातील तरुणांनी दाखवलेल्या धाडसामुळे मोठा अनर्थ टळला.

या घटनेनंतर जिल्हा प्रशासनाने चंद्रभागेत स्नान करताना काळजी घेण्याचे आवाहन केले आहे. तसेच, कोळी समाजाच्या या मदतीचे सर्वत्र कौतुक होत आहे.