Ajit Pawar Death : अजितदादांच्या अपघातावर नवा सवाल, राष्ट्रवादीचे आमदार नेमकं म्हणाले?

Amol Mitkari on Baramati Plane Accident : राष्ट्रवादी काँग्रेसचे आमदार अमोल मिटकरी यांनी अजित पवार यांच्या विमान अपघातावर आणखी एक सवाल उपस्थित केला आहे. ब्लॅक बॉक्स कधी जळू शकतो किंवा नष्ट होऊ शकतो? असा सवाल करत मिटकरी यांनी सोशल मीडियावर पोस्ट लिहिली आहे. ब्लॅक बॉक्स कधी जळू शकतो, कधी नष्ट होऊ शकतो, याची माहितीच मिटकरी यांनी देत सवाल उपस्थित केला आहे. (What is a black box in aircraft)

अत्यंत आग / उष्णता: अपघातानंतर लागलेली आग जर 1,100°C पेक्षा जास्त तापमानाची असेल किंवा 60 मिनिटांपेक्षा जास्त काळ टिकली, तर आतले घटक — विशेषतः फ्लॅश मेमरी — उष्णतेमुळे खराब होऊ शकतात. अत्यंत जोराचा धक्का: 3,400 Gs पेक्षा जास्त धक्का (जो सामान्य, अगदी प्राणघातक अपघातांपेक्षाही खूप जास्त असतो) बसल्यास यंत्र पूर्णपणे नष्ट होऊ शकते. पर्यावरणीय घटक: खोल समुद्रात दीर्घकाळ मीठ पाण्यात राहिल्यास गंज (corrosion) होऊ शकतो आणि त्यामुळे डेटा नष्ट होण्याची शक्यता असते. मात्र, ब्लॅक बॉक्स 30 दिवसांपर्यंत उच्च दाब सहन करण्यासाठी डिझाइन केलेला असतो.