VIDEO : अजितदादांचा आमदार बरळला, मुलींच्या लग्नाबद्दल वादग्रस्त वक्तव्य

मोर्शी वरुड मतदारसंघाचे अजित पवार यांचे समर्थक आमदार देवेंद्र भुयार यांनी महिलांना अनुसरून वादग्रस्त वक्तव्य केलं आहे. त्यांच्या या वक्तव्याचा व्हिडिओ सध्या व्हायरल होत आहे. 'मुलगी जर पाहायला चांगली असेल तर ती तुमच्या माझ्या सारख्याना भेटत नाही ती नोकरीवाल्या मुलाला भेटते. दोन नंबरची मुलगी डोंबली मुलगी पानटपरीवाल्याला, किराणा दुकानदाराला दिली जाते. तर तीन नंबरचा गाळ हेबडली हाबडली पोरगी शेतकऱ्याच्या मुलांना मिळते.' असं महिलांच्या दिसण्यावरून आमदार देवेंद्र भुयार यांनी हे वादग्रस्त वक्तव्य एका कार्यक्रमात केलं आहे.

अमरावती जिल्ह्यातील मोर्शी वरुड मतदारसंघाचे आमदार देवेंद्र भुयार हे अजित पवार यांचे समर्थक आहेत. त्यांनी महिलांच्या लग्नाबद्दल केलेलं एक वादग्रस्त वक्तव्य सध्या चर्चेत आहे. त्यांच्या या भाषणाचा व्हिडिओ व्हायरल झाला आहे. ''दिसायला चांगली असलेली मुलगी ही नोकरीवाल्या मुलांना मिळते. तर दोन नंबरची डोंबली मुलगी पानटपरीवाल्याला किंवा किराणा दुकानदाराला भेटते आणि तीन नंबरचा उरलेला सगळा गाळ हा शेतकऱ्याच्या मुलांना मिळतो. म्हणजे शेतकऱ्याच्या मुलांचं काही खर राहिलेल नाही. जन्माला येणारं लेकरूसुद्धा हेबाळ निघतं. माय इल्लू पिल्लू त्याच्या पोटी वाणराचे पिल्लू असाच कार्यक्रम आहे सगळा..'' असं वादग्रस्त विधान त्यांनी केलं आहे. त्यामुळे आता त्यांच्या वक्तव्यावर नाराजी व्यक्त केली जात आहे.