Devendra fadnavis helicopter : राज्याच्या दोन्ही उपमुख्यमंत्र्यांचं हेलिकॉप्टर भरकटलं; अजित पवार आणि देवेंद्र फडणवीस दोघेही सुखरुप

मुंबई : राज्यातील खराब हवामानाचा फटका राज्याच्या दोन्ही उपमुख्यमंत्र्यांना बसला. राज्याचे उपमुख्यमंत्री देवेंद्र फडणवीस आणि अजित पवार यांचं हेलिकॉप्टर बुधवारी दुपारी भरकटल्याची घटना घडली. त्यांच्यासोबत मंत्री उदय सामंत, पार्थ पवार देखील होते. नागपूर ते गडचिरोली प्रवास करताना त्यांचं हेलिकॉप्टर भरकटलं होते. आता या हेलिकॉप्टरमधील सर्व जण सुखरुप आहेत.

खराब हवामानामुळे हेलिकॅाप्टर पावसाळी ढगात भरकटले होते. खराब हवामानामुळे दृष्यमानता अत्यंत कमी झाली होती. हेलिकॅाप्टर पायलटने मोठ्या कौशल्याने हेलिकॅाप्टर जमीनीवर उतरवले. त्यामुळे पुढील मोठी दुर्घटना टळली आहे.