Air India: विमान कोसळल्यानंतरची धक्कादायक दृश्यं समोर; बचावकार्य सुरू|VIDEO

अहमदाबादमधील मेघानीनगर परिसरात एअर इंडियाचे विमान कोसळले आहे. येथील मेघानीनगर परिसरातील घोडा कॅम्पजवळ गुजसेल विमानतळाजवळ ही घटना घडली. घटनेची माहिती मिळताच अग्निशमन दलाच्या तीन गाड्या आणि पोलिसांचा ताफा घटनास्थळी पोहोचला. यादरम्यान दूरवरून धुराचे लोट दिसू लागले आणि परिसरातील रहिवाशांमध्ये भीती पसरली. हे विमान अहमदाबादवरून लंडनला जात होतं. उड्डाण घेतल्यानंतर काही वेळातच मेघानी नगर जवळ अपघात झाला. विमानतळापासून मेघानी नगरचं अंतर 15 किलोमीटरचं आहे. या विमानात 242 पेक्षा जास्त प्रवासी असल्याची माहिती असून, मोठ्या प्रमाणात जीवितहानी झाल्याची माहिती आहे. रहिवासी भागात विमान कोसळल्याने परिसरातही मोठं नुकसान झाल्याची शक्यता आहे.