Nilesh Lanke News: खासदार निलेश लंके यांच्या आंदोलनात महिलांचा ट्रॅक्टर मोर्चा, VIDEO

अहमदनगर: खासदार निलेश लंके यांच्या नेतृत्वाखाली नगरमध्ये दुधाच्या आणि कांद्याच्या हमीभावासाठी आंदोलन सुरू आहे. जिल्हाधिकारी कार्यालयासमोर असलेल्या आंदोलनाचा आज तिसरा दिवस आहे. आज या आंदोलनात निलेश लंकेंच्या पत्नी राणी लंके यादेखील सहभागी झाल्यात. निलेश लंकेंच्या जनआक्रोश आंदोलनात आज महिलांनी मोठ्या प्रमाणात सहभाग घेतला. महिला ट्रॅक्टर मोर्चा घेवून जिल्हाधिकारी कार्यालयावर धडकल्या आहेत.

विविध गावातून आज शेतकरी ट्रॅक्टर घेऊन जिल्हाधिकारी कार्यालयावर धडकले . निलेश लंके यांच्या पत्नी राणी लंके यांनीही आज महिलांसह ट्रॅक्टरमध्ये येत जिल्हाधिकारी कार्यालयासमोर सुरू असलेल्या आंदोलनात सहभाग नोंदवला. अनेक महिला ट्रॅक्टरमध्ये प्रवास करत आंदोलन स्थळी धडकल्या आहेत. नगरमध्ये निलेश लंके यांच्या नेतृत्वात शेतकऱ्यांचे आंदोलन सुरू आहे.