Fake Milk : भेसळयुक्त दूधाचा आणखी एक धक्कादायक प्रकार, गरम केल्यावर झाला रबराचा गोळा

adulterated milk incident in Shirpur Dhule : धुळे जिल्ह्यातील शिरपूर तालुक्यात भेसळयुक्त दूधाचा आणखी एक धक्कादायक प्रकार उघडकीस आला आहे. दूध गरम करतांना दुधाचा रबरा सारखा गोळा झाल्याचा धक्कादायक प्रकार उघडकीस आला आहे. रात्री दूध खरेदी करुन दूध गरम केले तेव्हा दुधाचा रबरा सारखा गोळा बनला. शिरपूर तालुक्यातील खर्दे गावातील आशाबाई बोरसे यांच्या घरात घडला हा सर्व प्रकार उघडकीस आला आहे, अन्न व औषध प्रशासनाच्या कारवाईकडे सर्वांचे लक्ष लागले आहे.

नेहमीच्या दुधवाल्याकडून दुध घेतांना पहिल्यांदाच हा धक्कादायक प्रकार घडला असून, यापूर्वी शिरपूर शहरात देखील भेसळयुक्त दुधाची गंभीर घटना घडली होती. अन्न व औषध प्रशासन विभागाच्या दुर्लक्षीत पणामुळे दुधाच्या भेसळाचे प्रमाण वाढत असल्याचा आरोप होत आहे. प्रशासन यावर काय कारवाई करते याकडे सर्वांचे लक्ष लागून आहे.

भूषण अहिरे

साम टिव्ही न्यूज

धुळे