Virat Kohli Records: KKR विरुद्ध होणाऱ्या सामन्यात विराटची बॅट तळपली तर 'हे' मोठे रेकॉर्ड्स 100 टक्के तुटणार

Virat Kohli Record At Eden Gardens Kolkata: आज आयपीएल स्पर्धेत रोमांचक सामना पार पडणार आहे. या स्पर्धेतील नवव्या सामन्यात कोलकाता नाईट रायडर्स आणि रॉयल चॅलेंजर्स बंगळुरू हे दोन्ही संघ आमने सामने येणारआहेत.

पहिल्या सामन्यात तुफानी ८२ धावांची खेळी करणाऱ्या विराट कोहली कडून या डावात देखील मोठ्या खेळीची अपेक्षा असणार आहे. दरम्यान त्याला काही रेकॉर्ड्स मोडण्याची देखील संधी असणार आहे. कोणते आहेत ते रेकॉर्डस् जाणून घ्या.

आयपीएल स्पर्धेतील पहिल्याच सामन्यात तुफानी खेळी करत विराटने ऑरेंज कॅपच्या यादीत प्रवेश मिळवला आहे. आता बऱ्याच दिवसांनी तो कोलकाताच्या ईडन गार्डन्सवर खेळण्यासाठी उतरणार आहे.

या सामन्यात केवळ ६ झेल टिपताच तो आयपीएल स्पर्धेत झेल टिपण्याचे शतक पूर्ण करणार आहे. आतापर्यंत त्याने ९४ झेल टिपले आहेत.

हा विराटचा २२५ वा सामना असणार आहे. त्याने २००८ मध्ये चिन्नास्वामीच्या मैदानावर कोलकाता नाईट रायडर्स विरुद्ध झालेल्या सामन्यातुन आयपीएल कारकिर्दीची सुरुवात केली होती. ( Latest sports updates)

रॉयल चॅलेंजर्स बंगळुरू संघाचा माजी कर्णधार विराट कोहली हा क्रिकेटच्या सर्वात छोट्या फॉरमॅटमध्ये ११५०० धावा करण्यापासुन केवळ ९२ धावा दूर आहे. त्याने आतापर्यंत आयपीएल ६७०० धावा केल्या आहेत. यादरम्यान त्याने ४५ अर्धशतके झळकावली आहेत.

तसेच विराट कोहलीने ईडन गार्डन्सवर फलंदाजी करताना ४७१ धावा केल्या आहेत. त्याला ईडन गार्डन्सवर फलंदाजी करताना आणखी एक मोठा विक्रम करण्याची संधी असणार आहे.

आज होणाऱ्या सामन्यात २९ धावा करताच तो ५०० धावा पूर्ण करणार आहे. यासह तो ईडन गार्डन्सच्या मैदानावर ५०० धावा करणाऱ्या फलंदाजांच्या यादीत प्रवेश करणार आहे.