शानदार, जबरदस्त…! वैभव सूर्यवंशी चमकला, अवघ्या १५ चेंडूत अर्धशतक ठोकलं

आयपीएल स्पर्धेत २०२६ आज सोमवारी राजस्थान रॉयल्स आणि चेन्नई सुपर किंग्स आमनेसामने आले आहेत. राजस्थान रॉयल्सने टॉस जिंकून गोलंदाजी करण्याचा निर्णय घेतला. त्यानंतर प्रथम फंलदाजासाठी उतरलेल्या चेन्नई सुपरकिंग्स संघाला राजस्थान रॉयल्सने १२७ धावांत गुंडाळलं. चेन्नईने दिलेल्या आव्हानाचा पाठलाग करताना वैभव सूर्यवंशी १५ चेंडूत अर्धशतक ठोकलं आहे.

चेन्नई सुपर किंग्सने राजस्थान रॉयल्सला १२८ धावांचं आव्हान दिलं होतं. या सामन्यात १५ वर्षांच्या वैभव सूर्यवंशीने सामन्याच्या पॉवरप्ले झाल्यानंतर चेन्नई सुपर किंग्सच्या गोलंदाजांची धुलाई केली. वैभवने अवघ्या १५ चेंडूत अर्धशतक पूर्ण केलं. वैभव १७ चेंडूत ५२ धावा करून बाद झाला. त्याने राजस्थान रॉयल्ससाठी आयपीएलच्या इतिहासातील तिसरं जलद अर्धशतक ठोकलं आहे. त्याने चेन्नई गोलंदाजांचा सामना करताना चौकार आणि षटकारांचा वर्षाव केला. त्याने ५ षटकार आणि ४ चौकार लगावले.

वैभवने चेन्नईचा गोलंदाज मॅट हेनरी आणि खलील अहमदची जोरदार धुलाई केली. मैदानातील चाहत्यांनी अवघ्या १५ वर्षांच्या वैभव सुर्यवंशीच्या फलंदाजीचं कौतुक केलं. त्याने १५ चेंडूत अर्धशतक पूर्ण केल्याने राजस्थान रॉयल्सचा विजय सोपा झाला.

सामन्याच्या सुरुवातीला रविंद्र जडेजाने सरफराज खान आणि शिवम दुबेला बाद केले. त्यानंतर खेळण्यासाठी आलेल्या वैभव सूर्यवंशीने आक्रमक फलंदाजी केली. या सामन्यात चैन्नईविरुद्ध राजस्थान रॉयल्सने एकतर्फी विजय मिळवला.

वैभव सूर्यवंशी वयाच्या १३ व्या वर्षी आयपीएलमध्ये एन्ट्री केली. त्याला कोलकाता नाइट रायडर्सने १.१० कोटी रुपयांना खरेदी केली होती. ऑक्शनमध्ये सर्वात खेळाडू ठरला होता.