Under 19 Asia Cup 2024, Vaibhav Suryavanshi: अंडर १९ आशिया कप स्पर्धेला सुरुवात झाली आहे. स्पर्धेतील तिसरी लढत कट्टर प्रतिस्पर्धी भारत आणि पाकिस्तान यांच्यात सुरु आहे. या सामन्यात भारतीय संघाकडून वैभव सूर्यवंशीला संधी दिली गेली होती.
लिलावात कोट्यवधींची बोली लागलेला वैभव पाकिस्तानविरुद्ध खेळताना कशी कामगिरी करणार यावर सर्वांचं लक्ष लागून होतं. मात्र पहिल्याच सामन्यात त्याचा फ्लॉप शो पाहायला मिळाला आहे.
दुबईतील दुबई आंतरराष्ट्रीय स्टेडियममध्ये सुरु असलेल्या सामन्यात भारतीय संघाला विजयासाठी २८२ धावा करायच्या होत्या. या धावांचा पाठलाग करताना भारतीय संघाकडून वैभव सूर्यवंशी आणि आयुष म्हात्रे ही जोडी मैदानावर आली.
मात्र या जोडीला हवी तशी सुरुवात करुन देता आली नाही. भारताला २८ धावांवर पहिला धक्का बसला. आयुष म्हात्रे २० धावांची खेळी करत माघारी परतला. त्यानंतर पाचव्या षटकात वैभवनेही पॅव्हेलियनची वाट धरली.
वैभव सुरुवातीपासूच फलंदाजीत संघर्ष करताना दिसून येत होता. त्याच्यावर दबाव असल्याचं स्पष्टपणे दिसून आलं. या डावात त्याला ९ चेंडू खेळून केवळ १ धाव करता आली. काही दिवसांपूर्वीच झालेल्या आयपीएल लिलावात त्याच्यावर कोटींची बोली लागली होत. या लिलावात राजस्थान रॉयल्सने त्याला १.१० कोटींची बोली लावत आपल्या संघात स्थान दिलं. मात्र त्याला अपेक्षेप्रमाणे खेळी करता आलेली नाही.
सामन्यापूर्वी झालेल्या मुलाखतीत त्याने म्हटले होते की, देशासाठी आशिया कपची ट्रॉफी जिंकून द्यायची आहे. यादरम्यान तो कुठलाही प्रेशर घेणार नाहीये. मात्र या सामन्यात फलंदाजी करताना तो प्रेशरमध्ये असल्याचं दिसून आलं. वैभव हा केवळ १३ वर्षांचा आहे. मात्र आयपीएलमध्ये निवड झाल्यापासून त्याच्य वयावरुन त्याला ट्रोल केलं जात आहे. त्याचं वय हे १३ पेक्षा जास्त आहे. त्याने वयात काहीतरी फेरफार केली आहे. असे आरोप नेटकऱ्यांकडून केले जात आहेत
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.