India VS Pakistan News : आयसीसी टी-२० विश्वचषक २०२३ स्पर्धेत भारत विरुद्ध पाकिस्तान या दोन्ही संघामध्ये रोमांचक सामना झाला. या अतितटीच्या सामन्यात भारताच्या फलंदाजांनी जोरदार खेळ दाखवत ७ गडी राखून सामना खिशात टाकला. यावेळी टीम इंडियाने महिलांच्या टी२० विश्वचषक स्पर्धेतील दुसऱ्या क्रमांकाचा यशस्वी धावांचा पाठलाग करण्याचा मोठा विक्रम केला. (Latest Marathi News)
आयसीसी टी२० विश्वचषक स्पर्धेत टीम पाकिस्तानने भारताला जिंकण्यासाठी १५० धावांचे आव्हान दिले होते. या आव्हानाचा यशस्वी पाठलाग करत टीम इंडियाने (Team India) विजय मिळवला. टीम इंडियाच्या शेफाली वर्माने ३३ धावांची खेळी केली.
जेमिमा रॉड्रिग्जने नाबाद ५३ धावांची खेळी केली. तर रिचा घोषने ३१ धावांचे बहुमूल्य योगदान दिले. पाकिस्तानच्या (Pakistan) १५० धावांचा यशस्वी पाठलाग करत महिलांच्या टी२० विश्वचषक स्पर्धेतील दुसऱ्या क्रमांकाचा यशस्वी धावांचा पाठलाग करण्याचा इतिहास रचला.
पाकिस्तान संघाने दिले होते १५० धावांचे आव्हान
टीम पाकिस्तानकडून फलंदाजी करताना जावेरिया खान ८ तर मुनीबा अली १२ धावा करत माघारी परतली. त्यानंतर कर्णधार बिस्मा मारूफने जबाबदारी स्वीकारत फलंदाजी केली. तिने या डावात नाबाद ६८ धावा केल्या.
तर आयशा नसीमने ४३ धावांचे बहुमूल्य योगदान दिले. या खेळीच्या जोरावर पाकिस्तान संघाला २० षटक अखेर ४ गडी बाद १४९ धावा केल्या.
तर भारतीय संघाकडून गोलंदाजी करताना, राधा यादवने २१ धावा खर्च करत २ गडी बाद केले. तर दिप्ती शर्मा आणि पूजा वस्त्रकारने प्रत्येकी १-१ गडी बाद केला.
अशी होती दोन्ही संघांची प्लेइंग ११:
भारत- शेफाली वर्मा, यस्तिका भाटिया, जेमिमा रॉड्रिग्स, हरलीन देओल, हरमनप्रीत कौर (कर्णधार), ऋचा घोष(विकेटकिपर), दीप्ती शर्मा, पूजा वस्त्रकार, राधा यादव, राजेश्वरी गायकवाड, रेणुका ठाकूर सिंग
पाकिस्तान – जावेरिया खान, मुनीबा अली (विकेटकिपर), बिस्मा मारूफ (कर्णधार), निदा दार, सिद्रा अमीन, आलिया रियाझ, आयशा नसीम, फातिमा सना, आयमान अन्वर, नशरा संधू, सादिया इक्बाल
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.