Sunil Narine Hit Wicket: सुनील नरेन हिट विकेट होऊनही Not Out राहिला, नियम काय सांगतो?

आयपीएल २०२५ स्पर्धेतील पहिला सामना रॉयल चॅलेंजर्स बंगळुरू आणि कोलकाता नाईट रायडर्स या दोन्ही संघांमध्ये पार पडला. या सामन्यात कोलकाता नाईट रायडर्स संघ प्रथम फलंदाजीसाठी मैदानात उतरला होता. प्रथम फलंदाजी करताना सुनील नरेन आणि अजिंक्य रहाणेने ताबडतोड फलंदाजी केली. यादरम्यान सुनील नरेनची बॅट स्टम्पला लागली होती. मात्र तरीदेखील त्याला आऊट दिलं गेलं नाही. नेमकं काय घडलं? जाणून घ्या.

या सामन्यात रॉयल चॅलेंजर्स बंगळुरू संघाने नाणेफेक जिंकून कोलकाता नाईट रायडर्स संघाला प्रथम फलंदाजी करण्याचं आमंत्रण दिलं. आरसीबीची गोलंदाजी सुरु असताना ८ वे षटक टाकण्यासाठी रसिख सलाम गोलंदाजीला आला. राऊंड द विकेटचा मारा करत असलेल्या रसिखने वेगवान शॉर्ट चेंडू टाकला. सुनील नरेननेही जोरदार बॅट फिरवली. मात्र त्यावेळी चेंडू आणि बॅटचा कुठलाही संपर्क झाला नाही.

अंपायरने चेंडूची उंची पाहून हा चेंडू वाईड असल्याचं सांगितलं. त्यावेळी नरेनची बॅट स्टम्पला लागली आणि बेल्स खाली पडली. सुरुवातीला असं वाटलं की, कोणाचं लक्ष गेलं नसेल. पण त्यानंतर समजलं की, बॅटला जाऊन लागली पण तो आऊट नव्हता

नरेन आऊट का नव्हता? काय सांगतो नियम?

चेंडू टाकल्यानंतर अंपायरने वाईडचा निर्णय दिला होता. त्यानंतर चेंडू डेड झाला. त्यानंतर नरेनची बॅट स्टम्पला जाऊन लागली. त्यामुळे त्याला आऊट दिलं गेलं नाही. एमसीसीचा नियम ३५.११ नुसार, ज्यावेळी फलंदाज शॉट खेळण्याच्या प्रयत्नात असतो, त्यावेळी फलंदाजाची बॅट किंवा शरीराचा कुठलाही भाग स्टम्पला जाऊन लागला, तर फलंदाज हिट विकेट आऊट होतोय.