आयपीएल २०२४ स्पर्धेत रविवारी (७ एप्रिल) डबल हेडर सामन्यांचा थरार रंगला. दुसऱ्या सामन्यात लखनऊ सुपर जायंट्स आणि गुजरात टायटन्स हे दोन्ही संघ आमने सामने होते. आपल्या होम ग्राऊंडवर खेळताना लखनऊने गुजरातचा एकतर्फी पराभव केला. या सामन्यात प्रथम फलंदाजी करताना लखनऊ सुपर जायंट्स संघाने २० षटक अखेर १६३ धावा केल्या. या धावांचा पाठलाग करताना गुजरात टायटन्स संघाचा डाव अवघ्या १३० धावांवर आटोपला. दरम्यान या एकतर्फी पराभवानंतर गुजरातचा कर्णधार शुभमन गिल भडकला असल्याचं पाहायला मिळालं आहे.
या पराभवानंतर बोलताना शुभमन गिल म्हणाला की, ' ही खेळपट्टी फलंदाजीसाठी खूप चांगली होती. मात्र आमच्या फलंदाजांना चांगली कामगिरी करता आली नाही.आम्हाला चांगली सुरुवात तर मिळाली, मात्र विकेट्स गेल्यानंतर आम्हाला त्यातून सावरता आलं नाही. आमच्या गोलंदाजांनी खरंच चांगली कामगिरी केली. कारण आम्ही लखनऊला १६० धावांवर रोखलं. मात्र आमच्या फलंदाजांनी आम्हाला निराश केलं.' (Cricket news in marathi)
तसेच डेव्हिड मिलरच्या न खेळण्याबाबत विचारण्यात आलेल्या प्रश्नावर बोलताना गिल म्हणाला की, ' मिलर असा खेळाडू आहे जो काही षटकातच सामन्याचं चित्र पालटू शकतो. मला तरी वाटतं ही धावसंख्या आमच्यासाठी पुरेशी होती.'
आपल्या विकेटबाबत बोलताना तो म्हणाला की, ' ते पावरप्लेचं शेवटचं षटक होतं. त्यामुळे मला त्याचा पुरेपूर फायदा घ्यायचा होता. मी तो शॉट जास्तच स्क्वेअरला खेळण्याचा प्रयत्न केला. त्यामुळे तो चेंडू मिस झाला. आमच्या गोलंदाजांनी दमदार कामगिरी केली. आम्हाला त्यांना १६०-१६५ धावांवर रोखायचं होतं.'
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.