VIDEO: पत्नीबरोबर शार्दूल सैराट; झिंगाट गाण्यावर जबरदस्त धरला ताल

Shardul Thakur Haldi Ceremony: भारतीय संघाचा स्टार अष्टपैलू खेळाडू शार्दूल ठाकूर सध्या क्रिकेटच्या मैदानापासून दूर आहे. ऑस्ट्रेलियाविरुध्द सुरु असलेल्या कसोटी मालिकेसाठीही त्याला संधी देण्यात आली नाहीये.

लवकरच तो एका नव्या इनिंगची सुरुवात करणार आहे. २७ फेब्रुवारी रोजी तो मिताली पारूलकरसोबत विवाह बंधनात अडकणार आहे. २०२१ मध्ये दोघांचाही साखरपुडा मोठ्या उत्साहात पार पडला होता. आता तब्बल १५ महिन्यांनंतर दोघांचा विवाह सोहळा पार पडणार आहे. (Latest Sports Updates)

लग्नाची धामधूम सुरु झाली असून, त्याच्या मित्र मंडळींनी आणि कुटुंबातील सदस्यांनी लग्नसमारंभासाठी जमायला सुरुवात केली आहे. सोशल मीडियावर देखील या विवाहाची चर्चा सुरु झाली आहे. नुकताच शार्दुलचा हळदी समारंभातील व्हिडिओ सध्या जोरदार व्हायरल होतोय.

हळदीत शार्दुलचा हटके डान्स होतोय व्हायरल..

या हळदी समारंभात शार्दूल ठाकूर जोरदार डान्स करताना दिसून येत आहे. व्हिडीओमध्ये तुम्ही पाहू शकता की, शार्दूल ठाकूरने पांढऱ्या रंगाचा कुर्ता परिधान केला आहे. तो बँजोच्या तालावर मग्न होऊन भन्नाट डान्स करतोय.

त्याचा हा व्हिडीओ सध्या सोशल मीडियावर प्रचंड व्हायरल होत आहे.

शार्दूल ठाकूरच्या हळदीच्या कार्यक्रमात स्टार फलंदाज श्रेयस अय्यर आणि मुंबईचा क्रिकेटपटू सिद्धेश लाडने देखील हजेरी लावली होती. दोघांनी मिळून या कपलसाठी गाणं देखील गायलं.