Utkarsha Pawar: शेवटी संस्कार हो! मैदानात येताच ऋतुराजच्या होणाऱ्या पत्नीने धरले धोनीचे पाय, पाहा VIDEO

Utkarsha Pawar Viral Video: आयपीएल २०२३ स्पर्धेतील अंतिम सामना नुकताच पार पडला. या सामन्यात चेन्नई सुपर किंग्ज संघाने जेतेपदाला गवसणी घातली आहे. या सामन्यानंतर रविंद्र जडेजा आणि त्याची पत्नी रिवाबाचा एक व्हिडिओ जोरदार व्हायरल झाला होता.

ज्यात रिवाबा, रविंद्र जडेजाच्या पाया पडताना दिसून आली होती. या व्हिडिओनंतर आता ऋतुराजच्या होणाऱ्या पत्नीचा व्हिडिओ सोशल मीडियावर जोरदार व्हायरल होऊ लागला आहे.

सोशल मीडियावर व्हायरल होत असलेल्या व्हिडिओमध्ये तुम्ही पाहू शकता की, चेन्नई सुपर किंग्ज संघातील खेळाडू आपल्या कुटुंबातील सदस्यांसह विजयाचा जल्लोष साजरा करताना दिसून येत आहेत. या व्हिडिओमध्ये एमएस धोनी देखील असल्याचं दिसून येत आहेत. पाचव्यांदा ट्रॉफी जिंकल्यानंतर संघातील खेळाडू धोनीचं अभिनंदन करताना दिसून येत आहेत. त्यानंतर उत्कर्षा येत्ते आणि धोनीला मिठी मारते. त्यानंतर त्याचे चरण देखील स्पर्श करते.

ऋतुराज गायकवाड आणि उत्कर्षा पवार हे आज विवाह बंधनात अडकणार आहेत. क्रिकेट विश्वात धोनीचा मान खूप मोठा आहे. धोनीचे चरण स्पर्श करताच सोशल मीडियावर प्रतिक्रियांचा पाऊस पडायला सुरुवात झाली आहे. अंतिम सामन्यात चेन्नई सुपर किंग्ज संघाने गुजरात टायटन्स संघाला धूळ चारत जेतेपदाला गवसणी घातली होती. (Latest sports updates)

ऋतुराज - उत्कर्षा अडकणार विवाह बंधनात..

ऋतुराज गायकवाड आणि उत्कर्षा पवार हे दोघेही आज विवाह बंधनात अडकणार आहेत. शुक्रवारी या दोघांचे मेहंदी सेरेमनीतील फोटो सोशल मीडियावर जोरदार व्हायरल झाले होते. उत्कर्षा पवार ही देखील क्रिकेटपटू आहे.

ती देशांतर्गत क्रिकेटमध्ये महाराष्ट्र संघाचे प्रतिनिधीत्व करते. २०२१ मध्ये ती आपला शेवटचा सामना खेळण्यासाठी मैदानाजत आली होती.