Legends Cricket League Robin uthappa catch: लेजेंड्स क्रिकेट लीग २०२३ स्पर्धेला जोरदार प्रारंभ झाला आहे. या स्पर्धेतील पहिला सामना इंडिया महाराजा आणि एशिया लायन्स या दोन्ही संघांमध्ये पार पडला.
या स्पर्धेत इंडिया महाराजा संघाचे नेतृत्व करण्याची जबाबदारी गौतम गंभीरला देण्यात आली आहे. तर एशिया लायन्स संघाचे नेतृत्व शाहिद आफ्रिदी करत आहे.
या स्पर्धेत दिग्गज खेळाडूंचा आमना सामना होताना पाहायला मिळणार आहे. दरम्यान पहिल्याच सामन्यात रॉबिन उथप्पा एका खास कारणामुळे चर्चेत आला आहे. (Latest sports updates)
शाहिद आफ्रिदीच्या संघाने या सामन्यात नाणेफेक जिंकून प्रथम फलंदाजी करण्याचा निर्णय घेतला होता. तर श्रीलंकेचा दिग्गज फलंदाज तिलकरत्ने दिलशान डावाची सुरुवात करण्यासाठी मैदानात आला होता.
मात्र तो जास्तवेळ खेळपट्टीवर टिकू शकला नाही. अशोक दिंडाने त्याला पॅव्हेलियनची वाट दाखवली. विकेट अशोक दिंडाने मिळवली मात्र चर्चा रॉबिन उथप्पाने टिपलेल्या झेलची झाली.
इंडिया महाराजा संघाची गोलंदाजी सुरु असताना दुसरे षटक टाकण्यासाठी अशोक दिंडा गोलंदाजी करण्यासाठी आला होता.
या षटकात त्याने दिलशानला हक्काबक्का करून सोडलं. दुसऱ्याच षटकात दिंडाने असा काही चेंडू टाकला, जो टप्पा पडताच बाहेरच्या दिशेने निघाला. दिलशानने ड्राइव्ह करण्याचा प्रयत्न केला. मात्र त्याचा हा प्रयत्न फसला कारण चेंडू बॅटचा कडा घेत यष्टिरक्षण करत असलेल्या रॉबिन उथप्पाच्या हातात गेला.
अशोक दिंडाने टाकलेल्या चेंडूची गती इतकी होती की, चेंडू बॅटला लागताच वेगाने निघाला. त्यावेळी यष्टिरक्षण करत असलेल्या रॉबिन उथप्पाने डाव्या बाजूला डाइव्ह मारत भन्नाट झेल टिपला.
पहिल्या आणि दुसऱ्या प्रयत्नात हा चेंडू सूटला मात्र तिसऱ्या प्रयत्नात त्याने झेल टिपला. हा व्हिडिओ सध्या सोशल मीडियावर व्हायरल होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.