टीम इंडियासाठी गुड न्यूज; तगडा खेळाडू पुन्हा संघात परतणार

टीम इंडियाचा स्टार खेळाडू रिंकू सिंह पुन्हा एकदा संघात कमबॅक करणार आहे. रिंकू सिंहच्या वडिलांची तब्येत बिघडली होती. त्यामुळे तातडीने टी२० विश्वचषक स्पर्धा अर्ध्यात सोडून घरी परतला होता. टीम इंडियाचा बॅटिंग कोच सिंताशु कोटक यांनी झिम्बाब्वेच्या विरोधातील सामन्याआधी म्हणजे बुधवारी हॉटेलमध्ये येणार आहे. त्यामुळे रिंकू हा २६ फेब्रुवारी रोजी होणाऱ्या सामन्यात खेळताना दिसेल. झिम्बाब्वे विरोधात सामना जिंकणे भारतासाठी महत्त्वाचं आहे.

मिळालेल्या माहितीनुसार, रिंकू सिंहचे वडील खानचंद सिंह कर्करोगाशी झुंज देत आहे. यामुले त्यांची प्रकृती बिघडली आहे. त्यामुळे त्यांना ग्रेटर नोएडा येथील खासगी रुग्णालयात दाखल केलं. त्यांच्यावर रुग्णालयात उपचार सुरू आहेत. वडिलांची प्रकृती बिघडल्याची माहिती मिळताच रिंकूने घरी जाण्याचा निर्णय घेतला. आता रिंकू पुन्हा संघात परतणार करणार असून तो चेन्नईसाठी निघाला आहे.

टीम इंडियाचे बॅटिंग कोच सितांशु कोटक यांनी पत्रकार परिषदेत सांगितलं की, 'रिंकू सिंह हा आज पुन्हा संघात सामील होईल. त्यामुळे रिंकू सिंह टी२० स्पर्धेतून बाहेर होण्याच्या चर्चांना पूर्णविराम मिळाला आहे. रिंकू हा संघातील गेम चेंजर खेळाडू आहे. त्याच्या खेळीवर भारतीय चाहत्यांचंही प्रेम आहे. रिंकू फलंदाजासह चांगला फिल्डर देखील आहे. त्यामुळे टीम मॅनेजमेंटचाही रिंकू सिंहवर विश्वास आहे.

तत्पूर्वी, रिंकू सिंहला आतापर्यंत एकही सामन्यात चांगली कामगिरी करता आलेली नाही. रिंकू सिंहला आतापर्यंत पाच सामन्यात फलंदाजी करण्याची संधी मिळाली. परंतु रिंकूने पाच डावात एकूण २४ धावा कुटल्या. रिकूंने अमेरिकेच्या विरोधात ६, नामीबियाविरोधात १, पाकिस्तानविरोधात ११ आणि नेदरलँडविरोधात ६ धावा कुटल्या. तर सुपर-८मध्ये दक्षिण आफ्रिकेत शून्य धावावर बाद झाला. परंतु आताही टीम मॅनेजमेंटचा रिंक सिंहवर विश्वास आहे.