भारत आणि बांगलादेश यांच्यातील २ कसोटी सामन्यांच्या मालिकेतील पहिला कसोटी सामना चेन्नईत पार पडला. या सामन्यात भारतीय संघाने २८० धावांनी विजय मिळवला. आता मालिकेतील दुसरा कसोटी सामना कानपूरमध्ये रंगणार आहे. मालिकेतील पहिल्या कसोटीत जसप्रीत बुमराह, आर अश्विन, रिषभ पंत आणि शुभमन गिल यांनी दमदार खेळ केला. दरम्यान दुसऱ्या सामन्यात रविंद्र जडेजाला मोठा रेकॉर्ड आपल्या नावावर करण्याची संधी असणार आहे.
रविंद्र जडेजा हा भारतीय संघातील प्रमुख अष्टपैलू खेळाडूंपैकी एक आहे. गोलंदाजी, फलंदाजी आणि क्षेत्ररक्षणातही त्याचा जलवा पाहायला मिळत असतो. आतापर्यंत कसोटी क्रिकेटमध्ये गोलंदाजी करताना त्याने २९९ गडी बाद केले आहेत. तर फलंदाजी करताना त्याने ३१२२ धावा केल्या आहेत.
बांगलादेशविरुद्धच्या दुसऱ्या कसोटीत १ गडी बाद करताच तो दिग्गज खेळाडूंच्या यादीत प्रवेश करणार आहे. आतापर्यंत केवळ १० असे क्रिकेटपटू आहेत,ज्यांना कसोटी क्रिकेटमध्ये ३०० गडी बाद करण्यासह ३००० धावा करण्यात यश आलं आहे. असा रेकॉर्ड करणारा जडेजा ११ वा खेळाडू ठरणार आहे.
कसोटी क्रिकेटमध्ये ३००० धावा आणि ३०० गडी बाद करणारा जडेजा ११ वा खेळाडू ठरेल. तर असा रेकॉर्ड करणारा तो तिसरा भारतीय खेळाडू ठरणार आहे. याआधी आर अश्विन आणि कपिल देव यांनी हा कारनामा करुन दाखवला आहे. आर अश्विनच्या नावे आतापर्यंत ५२२ गडी बाद करण्याची आणि फलंदाजी करताना ३४२२ धावा करण्याची नोंद आहे. तर कपिल देव यांनी गोलंदाजीत ४३४ आणि फलंदाजी करताना ५२४८ धावा केल्या आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.