Nitesh Rane On Narendra Modi Stadium: नरेंद्र माेदी स्टेडियमवर काॅंग्रेसने रचलं हाेते षडयंत्र, नितेश राणेंचा दावा; विराटचा दिला दाखला....

- विनायक वंजारे

Nitesh Rane :

ज्याने आयुष्यात क्रिकेटची बॅट उचलली नाही ते खासदार संजय राऊत क्रिकेट विषयी आणि विशेष म्हणजे विश्वकरंडकच्या सामन्यावर आणि स्टेडियमवर बाेलत आहे. खरतर महाराष्ट्राच्या राजकारणातील बुकी म्हणजे संजय राऊत होय. बुकीसारखे राजकारणात फिक्सिंग करणे हे त्यांचे काम असल्याची टीका करीत आमदार नितेश राणेंनी राऊत यांना क्रिकेटवर बोलण्याचा अधिकार आहे का ? असा सवाल केला. (Maharashtra News)

नितेश राणे म्हणाले सतत भाजपवर बोलणे ही राऊत यांना सवय झाला आहे. राऊत यांना बाेलण्याचा पगार १० जनपथवर दिला जाताे. मालकाला (उद्धव ठाकरे) खुश करण्यासाठी राऊत सतत बडबडतात असे राणेंनी म्हटले.

ते म्हणाले गुजराथी लाेकांचा इतकाच द्वेष असेल तर तुझ्या मालकाला सांग आधी गुजराथी माणसांशी संबंध ठेवू नकोस. तुझा मालक गुजराथी लोकांवर जगाला, मालकाच्या बांधलेल्या मॉलमध्ये गुजराथी लोक असतात. माेदी स्टेडियममध्ये विश्वकरंडकचे सामने उत्तमरित्या नियाेजन केले. तुम्हांला वर्ल्ड कपच्या मिरच्या का झोंबतात ? असा सवालही राणेंनी राऊतांना केला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

विराटला भेटणारा पॅलेस्टाईनचा समर्थक

आपल्या भारतात पॅलेस्टाइनचे समर्थन इंडिया अलयांस करते. विराटला ग्राउंडमध्ये भेटायला आलेला पॅलेस्टाईनचा समर्थक आला हाेता. विश्वकरंडक स्पर्धेतील अंतिम सामन्यात गालबाेट लावण्यासाठी ताे आला हाेता असा दावा राणेंनी केला. ते म्हणाले पॅलेस्टाइनच्या व्यक्तीचा काॅंग्रेस, खासदार राहूल गांधी यांचा संबंध आहे का याची चाैकशी झाली पाहिजे.

क्रीडा क्षेत्रात राजकीय लॉबी घुसल्याच्या टीकेवर राणे म्हणाले नार्वेकर, राजीव शुक्ला, शरद पवार हे देखील क्रिकेटमध्ये हाेते आणि आहेत ना. फुटबाॅलमध्ये आदित्य ठाकरे आहेत हे तुम्हांला चालते का असा सवालही राणेंनी केला.

Edited By : Siddharth Latkar