MS Dhoni Sixes: तो आला अन् त्याने धू धू धुतलं.. हार्दिकच्या गोलंदाजीवर धोनीचे लागोपाठ ३ षटकार - Video

MS Dhoni 3 Sixes On Hardik Pandya Bowling: या सामन्यात फलंदाजी करत असताना एमएस धोनीने हार्दिक पंड्याच्या गोलंदाजीवर लागोपाठ ३ षटकार मारले. ज्याचा व्हिडिओ सध्या सोशल मीडियावर तुफान व्हायरल होतोय.
ms dhoni hits back to back 3 sixes on hardik pandya bowling watch video amd2000
ms dhoni hits back to back 3 sixes on hardik pandya bowling watch video amd2000twitter

वानखेडे स्टेडियमवर झालेल्या सामन्यात एमएस धोनीचा हटके अंदाज पाहायला मिळाला. शेवटच्या षटकात फलंदाजी करण्यासाठी आलेल्या धोनीने हार्दिक पंड्याच्या शेवटच्या षटकात लागोपाठ ३ षटकार मारले.

यादरम्यान त्याने अवघ्या ४ चेंडूत २० धावांची तुफानी खेळी केली. ज्यात ३ षटकारांचा समावेश होता. हार्दिक पंड्याच्या या षटकात एकूण २६ धावा कुटल्या गेल्या. दरम्यान धोनीने हार्दिकला सलग ३ षटकार मारल्याचा व्हिडिओ सध्या सोशल मीडियावर तुफान व्हायरल होतोय.

चेन्नईने उभारला २०६ धावांचा डोंगर..

या सामन्यात प्रथम फलंदाजी करण्यासाठी आलेल्या चेन्नई सुपर किंग्ज संघाने २० षटकअखेर ४ गडी बाद २०६ धावा केल्या. चेन्नईकडून फलंदाजी करताना कर्णधार ऋतुराज गायकवाडने ४० चेंडूत सर्वाधिक ६९ धावांची खेळी केली. या खेळीदरम्यान त्याने ५ चौकार आणि ५ षटकार मारले. तर शिवम दुबेने ३८ चेंडूत ६६ धावांची तुफानी खेळी केली. या खेळीदरम्यान त्याने १० चौकार आणि २ षटकार मारले.

ms dhoni hits back to back 3 sixes on hardik pandya bowling watch video amd2000
MI vs CSK, IPL 2024: लाईव्ह सामन्यात पोलार्ड, टिम डेव्हिड अंपायरसोबत भिडले! नेमकं काय घडलं? -Video

धोनीचा हल्लाबोल..

एमएस धोनीची एक झलक पाहण्यासाठी क्रिकेट चाहते आतुरतेने वाट पाहत होते. तो पॅड आणि हेल्मेट घालून फलंदाजीला यायला तयार होता. मात्र त्याला काही संधी मिळत नव्हती. अखेर शेवटच्या षटकात विकेट पडली आणि त्याला फलंदाजीला यायची संधी मिळाली. ही संधी मिळताच त्याने संधीचं सोनं केलं आणि चाहत्यांचं फुन ऑन एन्टरटेन्मेंट केलं. त्याने शेवटचं षटक टाकण्यासाठी आलेल्या हार्दिक पंड्याच्या षटकात २६ धावा कुटल्या. यादरम्यान त्याने तिसऱ्या, चौथ्या आणि पाचव्या चेंडूवर सलग ३ षटकार मारले. तर शेवटच्या चेंडूवर २ धावा घेत संघाची धावसंख्या २०६ वर पोहचवली.

मुंबई इंडियन्स संघाला हा सामना जिंकण्यासाठी २०७ धावांचा गरज होती. मात्र मुंबईचा संघ या धावांचा यशस्वी पाठलाग करू शकला नाही. मुंबईकडून माजी कर्णधार रोहित शर्माने शतकी खेळी केली. मात्र त्याची ही खेळी व्यर्थ गेली. कारण मुंबईला हा सामना २० धावांनी गमवावा लागला.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com