Mohammed Siraj Catch Video: डेरिंगबाज सिराज! हवेत उडून टिपला भन्नाट कॅच; खाली आपटताच संघाने घेतली धाव,पाहा VIDEO

IND VS WI 1st Test: भारत विरुद्ध वेस्टइंडीज या दोन्ही संघांमध्ये डॉमिनिकाच्या मैदानावर पहिला कसोटी सामना सुरु आहे. या सामन्या वेस्टइंडीजने नाणेफेक जिंकत प्रथम फलंदाजी करण्याचा निर्णय घेतला आहे. मात्र हा निर्णय पूर्णपणे चुकीचा ठरला आहे.

वेस्टइंडीजचा पहिला डाव अवघ्या १५० धावांवर संपुष्टात आला आहे. या डावात आर अश्विनने ५ गडी बाद केले. दरम्यान अफलातून झेल टिपणारा मोहम्मद सिराज या सामन्यात जोरदार चर्चेत राहिला आहे.

वेस्टइंडीज संघाने या सामन्यात नाणेफेक जिंकून प्रथम फलंदाजी करण्याचा निर्णय घेतला. वेस्टइंडीज संघाकडून ब्लॅकवुड हा चौथ्या क्रमांकावर फलंदाजी करण्यासाठी आला होता. त्याने या डावात ३४ चेंडूंचा सामना करत १४ धावांची खेळी केली.

दरम्यान रविंद्र जडेजा गोलंदाजी करत असताना, ब्लॅकवुडने मिड ऑफच्या दिशेने मोठा फटका खेळण्याचा प्रयत्न केला. मात्र त्याचा हा प्रयत्न फसला. कारण मिडऑफला क्षेत्ररक्षण करत असलेल्या मोहम्मद सिराजने डाइव्ह मारत एकहाती झेल टिपला. हा व्हिडिओ सध्या सोशल मीडियावर जोरदार व्हायरल होऊ लागला आहे. (Latest sports updates)

सिराजने जेव्हा हा झेल टिपण्यासाठी उजव्या बाजूला डाइव्ह मारली आणि एका हाताने पक्ष्यासारखा झेपावत झेल टिपला. हा झेल टिपण्याच्या नादात तो गंभीर दुखापतग्रस्त झाला असता.

मात्र त्याने दुखापतीची पर्वा न करता संघासाठी आपलं १०० टक्के देण्याचा विचार केला. या झेलचा व्हिडिओ सोशल मीडियावर व्हायरल होताच मोहम्मद सिराजवर कौतुकाचा वर्षाव होऊ लागला आहे.

भारतीय संघाची दमदार सुरूवात..

या सामन्यात वेस्टइंडीज संघाने नाणेफेक जिंकून प्रथम फलंदाजी करण्याचा निर्णय घेतला होता. या सामन्यात वेस्टइंडीजचा पहिला डाव अवघ्या १५० धावांवर संपुष्टात आला. भारतीय संघाकडून आर अश्विनने सर्वाधिक ५ गडी बाद केले.

तर भारतीय संघाकडून फलंदाजी करण्यासाठी आलेल्या कर्णधार रोहित शर्मा आणि पदार्पणवीर यशस्वी जयस्वालने संघाला चांगली सुरूवात करून दिली. यशस्वी जयस्वाल ४० तर कर्णधार रोहित शर्मा ३० धावांवर नाबाद आहे. दोघांनी मिळून आतापर्यंत ८० धावा जोडल्या आहेत.