भारतीय संघातील खेळाडू वर्ल्डकप २०२३ स्पर्धेत तुफान फॉर्ममध्ये आहेत. आतापर्यंत खेळलेल्या ८ पैकी ८ सामन्यांमध्ये भारतीय संघाने विजय मिळवला आहे. भारतीय संघातील वेगवान गोलंदाज मोहम्मद शमी गोलंदाजीत भारतीय संघासाठी स्टार ठरतोय. एकीकडे त्याचं कौतुक होत असताना, दुसरीकडे त्याची एक्स वाईफ हसीन जहानने विचित्र विधान केलं आहे.
न्यूज नेशनला दिलेल्या मुलाखतीत बोलताना हसीन जहाँला वर्ल्डकप २०२३ स्पर्धेतील भारतीय संघाच्या यशाबद्दल आणि मोहम्मद शमीबद्दल प्रश्न विचारण्यात आली होती. यावर बोलताना ती म्हणाली की,'चांगली गोष्ट आहे की ,तो चांगला खेळतोय. याच कामगिरीच्या बळावर तो संघात कायम राहिल. त्यामुळे आमचे भविष्यही सुरक्षित राहील.'
तसेच ती पुढे म्हणाली की, मी भारतीय संघाला शुभेच्छा देईल, पण शमीला नाही.' हसीन जहाँने केलेल्या या वक्तव्यानंतर सोशल मीडियावर तिला ट्रोल केलं जात आहे. चुक शमीची नसून हसीन जहाँची आहे, असं काही युजर्सने कमेंट करत म्हटलं आहे. (Latest sports updates)
या वर्षाच्या सुरुवातीलाच मोहम्मद शमीला कोलकाता न्यायालयाने कौटुंबिक हिंसाचार प्रकरणात हसीन जहाँला दरमहा १ लाख ३० हजार रुपये देण्याचे आदेश देण्यात आले आहे. हसीन जहाँ आपल्या मुलीसह वेगळी राहते.
मोहम्मद शमी आणि हसीन जहाँ हे दोघेही ६ जून २०१४ रोजी विवाह बंधनात अडकले होते. २०१५ मध्ये शमी कुटुंबात चिमुकलीचं आगमन झालं. त्यानंतर ८ मार्च २०१८ रोजी हसीन जहाँने शमीवर वैवाहिक बलात्कार, व्यभिचार, मॅच फिक्सिंग आणि कौटुंबिक हिंसाचाराचे आरोप केले होते. त्यानंतर या दोघांचा घटस्फोट झाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.