MI vs LSG, IPL Eliminator: आयपीएलच्या 16 व्या मोसमातील फायनलमध्ये धडक मारणारा चेन्नई सुपर किंग्स पहिला संघ ठरला आहे. गुजरात टायटन्सचा पराभव करत चेन्नईने फायनल गाठली आहे. आज लखनौ सुपर जायंट्स आणि मुंबई इंडियन्स यांच्यात एलिमिनेटर सामना होणार आहे. आजच्या सामन्यात जो संघ जिंकेल तो गुजरातची भिडणार आहे.
दोन्ही संघांमधील आजवच्या कामगिरीकवर नजर टाकली तर लखनऊचं पारडं जड आहे. दोघांमध्ये आतापर्यंत तीन सामने खेळले गेले असून लखनऊ संघाने तिन्ही जिंकले आहेत.
आयपीएल 2022 मध्ये लखनौ सुपर जायंट्सच्या संघाला रॉयल चॅलेन्जर्स बंगलोरविरुद्ध खेळवण्यात आलेल्या एलिमिनेटर सामन्यात पराभवाचा सामना करावा लागला होता. लखनौच्या एलिमिनेटरचा हा आकडा पाहता मुंबई आजच्या सामन्यात जिंकू शकतो.
मुंबई इंडियन्स आणि लखनऊ सुपर जायंट्स यांच्यात होणार्‍या एलिमिनेटर सामन्यातील विजयी संघ शुक्रवारी 26 मे रोजी गुजरात टायटन्सविरुद्ध दुसरा क्वालिफायर सामना खेळेल.
एलिमिनेटरपर्यंत पोहोचलेल्या संघांचा इतिहास
आयपीएलच्या इतिहासात एलिमिनेटरपर्यंत पोहोचलेल्या संघांची कागगिरी खुपच खराब राहिली आहे. आतापर्यंत पूर्ण झालेल्या 15 मोसमात एलिमिनेटर खेळणाऱ्या संघाने विजेतेपद पटकावले असे एकदाच घडले. सनरायझर्स हैदराबादने 2016 मध्ये ही कामगिरी केली होती. (Latest sports updates)
आयपीएल 2016 मध्ये, सनरायझर्स हैदराबाद संघ गुणतालिकेत तिसऱ्या क्रमांकावर होता आणि संघाने एलिमिनेटरमध्ये चौथ्या क्रमांकावर असलेल्या केकेआरचा 22 धावांनी पराभव केला. यानंतर हैदराबादने क्वालिफायर-2 मध्ये गुजरात लायन्स विरुद्धचा सामना 4 गडी राखून जिंकला.
अंतिम फेरीत हैदराबादने रॉयल चॅलेंजर्स बंगलोरचा 8 धावांनी पराभव करत विजय मिळवला. ऑस्ट्रेलियन खेळाडू डेव्हिड वॉर्नरच्या नेतृत्वाखाली हैदराबादने हे विजेतेपद पटकावले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.