मुंबईच्या वानखेडे स्टेडियमवर आज मुंबई इंडियन्स आणि कोलकाता नाईट रायडर्स हे दोन्ही संघ आमने सामने येणार आहेत. हार्दिक पंड्याच्या नेतृत्वाखाली खेळणाऱ्या मुंबई इंडियन्स संघाला १० पैकी केवळ ३ सामने जिंकता आले आहेत. हा संघ गुणतालिकेत नवव्या स्थानी आहे. तर दुसरीकडे श्रेयस अय्यरच्या नेतृत्वाखाली खेळणाऱ्या कोलकाता नाईट रायडर्स संघाने ९ पैकी ६ सामने जिंकले आहेत. हा संघ गुणतालिकेत दुसऱ्या स्थानी आहे.
असा राहिलाय दोन्ही संघांचा हेड टू हेड रेकॉर्ड..
मुंबई इंडियन्स आणि कोलकाता नाईट रायडर्स या दोन्ही संघांचा हेड टू हेड रेकॉर्ड पाहिला, तर दोन्ही संघ ३२ वेळेस आमने सामने आले आहेत. यादरम्यान मुंबई इंडियन्सने शानदार कामगिरी करत २३ सामने जिंकले आहेत. तर कोलकाता नाईट रायडर्स संघाला केवळ ९ सामन्यांमध्ये बाजी मारता आली आहे. कोलकाता नाईट रायडर्स संघाविरुद्ध खेळताना विजय २०१ धावा ही मुंबई इंडियन्स संघाची सर्वोच्च धावसंख्या राहिली आहे. तर २३२ धावा ही मुंबई इंडियन्सविरुद्ध खेळताना कोलकाता नाईट रायडर्सची सर्वोच्च धावसंख्या राहिली आहे.
पिच रिपोर्ट..
वानखेडे स्टेडियमची खेळपट्टी ही नेहमीच फलंदाजांसाठी फायदेशीर ठरते. मात्र सुरुवातीला वेगवान गोलंदाजांना स्विंग मिळतो. या मैदानावर धावांचा यशस्वी पाठलाग केला जातो. त्यामुळे टॉस जिंकणारा संघ प्रथम गोलंदाजीचा निर्णय घेऊ शकतो.
या सामन्यासाठी अशी असू शकते दोन्ही संघांची प्लेइंग ११..
इशान किशन( यष्टिरक्षक) रोहित शर्मा, सूर्यकुमार यादव, तिलक वर्मा, हार्दिक पंड्या ( कर्णधार) टीम डेव्हिड, नेहाल वढेरा, मोहम्मद नबी, गेराल्ड कोएत्जी, कुमार कार्तिकेय, जसप्रीत बुमराह
कोलकाता नाईट रायडर्स संघाची संभावित प्लेइंग ११
फिल सॉल्ट ( यष्टिरक्षक), सुनील नरेन, वेंकटेश अय्यर, श्रेयस अय्यर ( कर्णधार), आंद्रे रसल, रिंकू सिंग, रमनदीप सिंग, मिचेल स्टार्क, वैभव अरोडा, अनुकूल रॉय, वरूण चक्रवर्ती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.