Asian Games 2023: कोल्हापूरच्या शिरपेचात मानाचा तुरा! स्वप्निल कुसाळेला सुवर्णपदक

Swapnil Kusale News: कोल्हापूरच्या स्वप्निल कुसाळेने सुवर्णपदकाला गवसणी घातली आहे.
swapnil kusale
swapnil kusalesaam tv news

>>रणजित माजगावकर

Asian Games 2023:

आशियाई क्रीडा स्पर्धेत भारतीय नेमबाजांची चमकदार कामगिरी सुरू आहे. भारताने आतापर्यंत एकुण ३४ पदकं पटकावली आहेत. यापैकी १९ पदकं ही नेमबाजांनी जिंकून दिली आहेत.

पुरुषांच्या ५० मीटर रायफल थ्री पोझिशन इव्हेंटमध्ये भारताने सुवर्णपदकावर नाव कोरलं आहे. भारताला सुवर्णपदक मिळवून देण्यात स्वप्निल कुसाळेसह ऐश्वर्या प्रताप सिंग तोमर, अखिलेशवरण यांनी मोलाची भुमिका बजावली आहे.

swapnil kusale
Asian Games 2023: एशियन गेम्समध्ये २०० पदकांसह चीन अव्वल ; पदकांच्या यादीत भारत कितव्या स्थानी? इथे पाहा

कोल्हापूरकर स्वप्निल कुसाळेने ५९१, ऐश्वर्या प्रताप सिंग तोमरने ५९१ आणि अखिलेशवरण ५८७ गुणांची कमाई केली. एकुण १७६९ गुणांची कमाई करत अंतिम फेरीत चीनला धुळ चारली. या सांघीक यशानंतर कोल्हापुरातील राधानगरी तालुक्यामध्ये जल्लोषाचं वातावरण आहे. तसेच घवघवीत यशानंतर त्याच्यावर कौतुकाचा वर्षाव केला जात आहे.

swapnil kusale
Asian Games 2023: महिला नेमबाजांचा सुवर्णवेध सुरूच! १० मीटर पिस्तूल स्पर्धेत पलकला गोल्ड तर ईशाला सिल्वर मेडल

स्वप्निल ने राष्ट्रीय आणि आंतरराष्ट्रीय स्पर्धेमध्ये सुवर्णपदके पटकावत दर्जेदार कामगिरी केली असून पुढील वर्षी २०२४ मध्ये होणाऱ्या टोकियो ऑलिंपिक स्पर्धेसाठीही तो पात्र ठरला आहे. आता ऑलिंपिक स्पर्धेतही त्याच्याकडून चांगल्या कामगिरीची अपेक्षा असणार आहे. (Latest sports updates)

स्वप्निल कुसाळेने भोसला मिलिटरी स्कुलमधून नेमबाजीचे धडे गिरवले. त्याने ५९ व्या आणि ६१ व्या राष्ट्रीय क्रीडा स्पर्धेत सुवर्णपदकाची कमाई केली होती. २०१५ मध्ये कुवेत येथे उपकनिष्ठ आंतरराष्ट्रीय स्पर्धा पार पडली होती. या स्पर्धेतील थ्री प्रेान प्रकारात त्याने जेतेपदाला गवसणी घातली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com