आयपीएल २०२५ टुर्नामेंटमध्ये आज कोलकाता नाईट रायडर्स आणि गुजरात टायटन्सशी सामना होतोय. हा सामना ईडन गार्डन्समध्ये होत आहे. या सामन्यात नाणेफेक जिंकल्यानंतर केकेआरचा कर्णधार अजिंक्य रहाणेने प्रथम गोलंदाजी करण्याचा निर्णय घेतला. फलंदाजीचे आमंत्रण मिळाल्यानंतर गुजरातच्या संघाने धमाकेदार फटकेबाजी केली. गुजरातने २० षटकात ३ गडी गमावत १९८ धावा केल्या आहेत. शुभमन गिलच्या ९० धावा आणि साई सुदर्शनच्या अर्धशतकांच्या जोरावर केकेआरसमोर गुजरातच्या संघाने १९९ धावांचे लक्ष्य ठेवलंय.
नाणेफेकनंतर प्रथम फलंदाजी करणाऱ्या गुजरात टायटन्सची सुरुवात चांगली झाली. सलामीवीर शुभमन गिल आणि साई सुदर्शन दोघांनी शानदार भागीदारी केली. दोघांनी एकही विकेट न गमवता ८९ धावा संघासाठी जमवल्या होत्या. फटकेबाजी करताना शुभमन गिलने ३४ चेंडूंवर अर्धशतक केलं.
तर दुसरीकडे साई सुदर्शनने ३३ चेंडूमध्ये ५० केल्या होत्या. दहा षटकात एकही विकेट न गमावणाऱ्या गुजरातला १३ षटकात पहिला धक्का मिळाला. पहिला धक्का साई सुदर्शनच्या रुपाने मिळाला. त्याने ५२ धावा केल्या होत्या. त्यानंतर बटलर आणि गिलने डाव सावरला. या दोघांमध्ये शानदार भागीदारी झाली.
५५ चेंडूंमध्ये गिलने ९० धावा केल्या. शुभमन गिलची १८ व्या षटकात विकेट पडली. त्यानंतर राहुल तेवतिया मैदानावर उतरला, पण त्याला साधं खातं उघडता आलं नाही. दुसरीकडे बटरलरने मैदानात कहर केला. त्याच्या फटकेबाजीच्या जोरावर गुजरातने २० षटकात ३ विकेट गमावत १९८ धावांचा डोंगर उभा केला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.