KKR VS RCB Match: जेसन आणि राणाची झुंजार खेळी; कोलकाताचं आरसीबीला २०१ धावांचं आव्हान

kkr and rcb today match: रॉयल चॅलेंज बेंगलोर आणि कोलकाता नाईट राईडर्स संघ यांच्यात आयपीएलचा ३६ वा सामना सुरू आहे. आरसीबीने नाणेफेक जिंकून गोलंदाजींचा निर्णय घेतला. प्रथम फलंदाजी करण्यासाठी उतरलेल्या कोलकाताने पाच गडी गमावून आरसीबीला २०१ धावांचे आव्हान दिलं आहे. (Latest Marathi News)

प्रथम फलंदाजी करण्यासाठी उतरलेल्या कोलकाताची चांगली सुरुवात झाली. केकेआरने पॉवरप्लेमध्ये ६६ धावा कुटल्या. शाहबाजच्या सहा षटकानंतर २५ धावा झाल्या होत्या. कोलकाताला पहिला धक्का एन जगदीसनच्या रुपाने मिळाला.

जगदीसनने २९ चेंडूत २७ धावा कुटल्या. त्याने ४ चौकार लगावले. जगदीसननंतर जेसनही बाद झाला. जेसनने २९ चेंडूत ५९ धावा कुटल्या. जेसनने चार चौकार आणि ५ षटकार लगावले.

जेसन बाद झाल्यानंतर व्यंकटेश अय्यर आणि कर्णधार नितीश राणा यांनी संघाची कमान सांभाळली. दोघांनी ३५ धावांहून अधिक धावांची भागीदारी रचली. हसरंगाने अठराव्या षटकात कोलकाताचे दोन गडी बाद केले. १८ व्या षटकाच्या दुसऱ्या चेंडूवर व्यंकटेश बाद झाला. व्यंकटेशने ३ चौकार आणि ४ षटकार लगावले.

सिराजने १९ व्या षटकात १५ धावा दिल्या. तसेच या षटकात सिराजला आंद्रे रसेलला बाद केले. रसेलने २ चेंडूत १ धाव केली. या आधी रिंकूने पहिल्या चेंडूत षटकार तर दुसऱ्या आणि तिसऱ्या चेंडूवर चौकार लगावला. केकेआरने २० षटकात २०० धावा केल्या.