Ind vs Eng: भारत-इंग्लंड कसोटीवर दहशतीचं सावट; खलिस्तानी पन्नूने दिली सामना रद्द करण्याची धमकी

Khalistani Pannu Threat India England Test Match:

झारखंडची राजधानी रांचीमध्ये भारत आणि इंग्लंड क्रिकेट कसोटी सामना होणार आहे. या सामन्यावर दहशतीचं संकट ओढावले आहे. रांची येथे २३ फेब्रुवारीला होणारा भारत आणि इंग्लंड क्रिकेट सामना रद्द करण्याची धमकी शीख फॉर जस्टिस संघटनेने दिलीय. गुरपतवंत सिंग पन्नू याने इंग्लंड क्रिकेट संघालाही माघारी जाण्याची धमकी दिलीय. दरम्यान याप्रकरणी रांची पोलिसांनी तपास सुरू केलाय. वरिष्ठ पोलीस अधिकारी आणि रांचीचे डीसी राहुल सिन्हा स्वतः त्यावर लक्ष ठेवून आहेत.(Latest News)

झारखंडची राजधानी रांचीमध्ये भारत आणि इंग्लंड क्रिकेट कसोटी सामना होणार आहे. या सामन्यावर दहशतीचं संकट ओढावले आहे. रांची येथे २३ फेब्रुवारीला होणारा भारत आणि इंग्लंड क्रिकेट सामना रद्द करण्याची धमकी शीख फॉर जस्टिस संघटनेने दिलीय. गुरपतवंत सिंग पन्नू याने इंग्लंड क्रिकेट संघालाही माघारी जाण्याची धमकी दिलीय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान याप्रकरणी रांची पोलिसांनी तपास सुरू केलाय. वरिष्ठ पोलीस अधिकारी आणि रांचीचे डीसी राहुल सिन्हा स्वतः त्यावर लक्ष ठेवून आहेत. या धमकीच्या ऑडिओ-व्हिडिओची पडताळणी केली जात आहे. याप्रकरणी रांचीमध्ये एफआयआर दाखल करण्यात आलीय. या प्रकरणी नोंदवलेल्या एफआयआरनुसार, शीख फॉर जस्टिसचे गुरपतवंत सिंग पन्नू याने यूट्यूबवर एक व्हिडिओ जारी केलाय.

यात त्याने भारत आणि इंग्लंड यांच्यातील क्रिकेट कसोटी सामना रद्द करण्यासाठी सीपीआय माओवादी या भारतातील प्रतिबंधित संघटनेला आवाहन केलंय. झारखंड आणि पंजाबमध्ये काही तरी कारवाई कराव्यात असं आवाहन या संघटनेला केले आहे. भारतीय क्रिकेट संघाचा कर्णधार रोहित शर्मा आणि इंग्लंड संघाचा कर्णधार बेन स्टोक्स यांना सामना खेळू नका देऊ, असं त्याने व्हिडिओमध्ये म्हटलंय. शीख फॉर जस्टिसचे गुरपतवंत सिंग पन्नू हा पंजाबचा रहिवासी आहे. मात्र तो सध्या अमेरिकेत राहतो. व्हिडिओमध्ये त्याने इंग्लंड संघाला माघारी जाण्याची धमकीही दिलीय.