माऊंट माऊनगनुई : महिला क्रिकेटमध्ये २५० गडी बाद करण्याचा विक्रम भारतीय महिला क्रिकेट संघातील गाेलंदाज झुलन गोस्वामी (Jhulan Goswami) हिच्या नावावर आज (बुधवार) नाेंदविला गेला. येथे सुरु असलेल्या महिला विश्वकरंडक क्रिकेट (ICC Women's World Cup 2022) स्पर्धेत झुलनने इंग्लंडच्या टॅमी ब्युमॉंटला (Tammy Beaumont) बाद करून ही कामगिरी केली. (icc womens world cup latest marathi news)
या (cricket) स्पर्धेतील आजच्या सामन्यात इंग्लंडने (England) भारतास (India) नाणेफेक जिंकून प्रथम फलंदाजी करण्याची संधी दिली. भारताचा डाव १३४ धावांतच गुंडाळला गेला. जिंकण्यासाठी १३५ धावांचे आव्हान घेऊन उतरलेल्या इंग्लंड संघातील दाेन फलंदाजांना भारतीय गाेलंदाजांनी संघाच्या अवघ्या चार धावांतच पॅव्हेलियन दाखविले. यामध्ये झूलनने इंग्लंडच्या टॅमीस बाद करीत महिला क्रिकेटमध्ये २५० गडी बाद करण्याचा विक्रम नाेंदविला.
दरम्यान याच स्पर्धेत झुलन गोस्वामीने (Jhulan Goswami) सर्वाधिक बळी घेण्याच्या गुणसंख्येची नुकतीच बरोबरी केली हाेती. गोस्वामीनं ऑस्ट्रेलियाच्या लिन फुलस्टनची बराेबरी केल्यानं तिच्यावर काैतुकाचा वर्षाव झाला हाेता. सन १९८२ ते १९८८ या कालावधीत ऑस्ट्रेलियाच्या (australia) लिन फुलस्टनच्या ३९ बळींच्या संख्येशी गाेस्वामीनं बरोबरी साधली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.