आयपीएलच्या 17 व्या सीझनमध्ये स्फोटक फलंदाजीचे अविस्मरणीय क्षण पहायला मिळत आहेत. कोलकाता नाईट रायडर्स आणि पंजाब किंग्जमध्ये झालेल्या आजच्या सामन्यात दोन्ही संघाकडून धावांचा पाऊस पडला. स्फोटक फलंदाज जॉनी बेअरस्टोच्या १०८ धावांच्या जोरावर पंजाब किंग्जने कोलकाता नाईट रायडर्सचं २६१ धावांचं कडवं आव्हान ८ गडी आणि ८ बॉल राखून सर केलं. संशाक सिंग आणि प्रभसिमरण सिंग यांच्या धुवॉंधार अर्धशकचांचाही या विजयात सिंहाचा वाटा राहिला.
काही दिवसांपूर्वीच ईडन गार्डन्सवर राजस्थान रॉयल्सने 224 धावांचे लक्ष्य गाठून विक्रम केला होता. आयपीएलच्या इतिहासातील हा सर्वात यशस्वी धावांचा पाठलाग होता. हा विक्रम कोणाला मोडण अशक्य वाटत होत. यावेळी मात्र २६२ धावांचं लक्ष्य होतं आणि पंजाबने अगदी सहज पार करत इतिहास रचला राजस्थानचा विक्रम मोडीत काढला.
सुरवातीला घरच्या मैदानात सामना खेळणाऱ्या केकेआर संघाने पंजाब संघाच्या गोलंदाजांची जबर धुलाई केली. कोलकाता संघाने १३.११ च्या रन रेटने निर्धारित २० षटकात २६१ धावा केल्या होत्या. हा सामना जिंकण्यासाठी पंजाबला २६२ धावांच लक्ष्य ठेवण्यात आलं होतं. पंजाबला करो या मरोची परिस्थिती होती कारण सामना गमावला असता तर आयपीएलच्या स्पर्धेतून बाहेर पडाव लागलं असंत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
