कानपूरमधून एक धक्कादायक बातमी समोर आली आहे. शुक्रवारी १६ सप्टेंबरला कानपूर विमानतळावर मोठा अनर्थ टळला. इंदौरला जाणाऱ्या एका इंडिगो विमानात (Indigo Flight) तांत्रिक बिघाड झाल्यामुळं इंजिन खराब झाला. त्यामुळे इंदौरसाठी या विमानाने टेक ऑफ केलं नाही. रोड सेफ्टी वर्ल्ड सीरीजमध्ये (2022 Road Safety World Series) सहभागी होणारे खेळाडू या विमानाने प्रवास करणार होते. इंडिगो विमानात तांत्रिक बिघाड झाल्याने प्रवाशांना आणि खेळाडूंना दुसऱ्या विमानाने इंदौरला रवाना करण्यात आले. त्यामुळे सुदैवाने मोठा अपघात टळला आहे. (International cricketers latest News Update)
SA-इंग्लंडच्या खेळाडूंना जायचं होतं इंदौरला
रोड सेफ्टी वर्ल्ड सीरीज २०२२ मध्ये आतापर्यंत सात सामने झाले आहेत. पुढील होणारे पाच सामने इंदौरला होणार आहेत. त्यामुळे खेळाडू इंदौरला जाणार होते. काही खेळाडूंना काल गुरुवारी इंदौरला पाठवण्यात आलं. तर उर्वरीत खेळाडू आज प्रवास करणार होते. गुरुवारी सहा देशांचे १०० हून अधिक खेळाडू इंदौरला पोहचले होते. यामध्ये सचिन तेंडुलकर, युवराज सिंग, ब्रायन लारा, शेन वॉटसन, ब्रेट ली या खेळाडूंचा समावेश होता. इंग्लंड, दक्षिण आफ्रीकेच्या काही खेळाडूंना आज प्रवास करायचा होता.
रोड सेफ्टी वर्ल्ड सीरीजचा हा दूसरा सीजन खेळवला जात आहे. गुणतालिकेबद्दल बोलायचं झालं तर सलग दोन विजयानंतर श्रीलंकाचा संघ गुणतालिकेत पहिल्या स्थानावर आहे. दुसऱ्या क्रमांकावर इंडिया लीजेंड्स, तिसऱ्या स्थानावर वेस्ट इंडिज लीजेंड्स आणि दक्षिण आफ्रिका लीजेंड्स चौथ्या स्थानावर आहे.
Edited By - Naresh Shende
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
