आयसीसी टी -२० वर्ल्डकप २०२४ स्पर्धेतील १९ व्या सामन्यात भारत आणि पाकिस्तान हे दोन्ही संघ आमनेसामने आले होते. या लो स्कोरिंग सामन्यात भारतीय संघाने पाकिस्तानला धूळ चारत विजयाचा गुलाल उधळला आहे. या सामन्यात पाकिस्तानने नाणेफेक जिंकून भारतीय संघाला प्रथम फलंदाजी करण्याचं आमंत्रण दिलं.
मात्र भारतीय संघाला मोठी धावसंख्या उभारता आली नाही. भारतीय संघाचा पहिला डाव अवघ्या ११९ धावांवर आटोपला. या धावांचा पाठलाग करताना पाकिस्तानला अवघ्या ११३ धावा करता आल्या. दरम्यान हा सामना जरी जिंकला असला तरीदेखील भारतीय फलंदाजांनी टेन्शन वाढवलं आहे.
या सामन्यात भारतीय संघाकडून विराट कोहली आणि रोहित शर्माची जोडी डावाची सुरुवात करण्यासाठी मैदानावर आली. मात्र विराट कोहली दुसऱ्याच षटकातील पहिल्याच चेंडूवर बाद होऊन माघारी परतला. तो २ चेंडूत अवघ्या अवघ्या ४ धावा करत तंबूत परतला.
विराट कोहली आणि रोहित शर्माची जोडी स्वस्तात माघारी परतली. त्यानंतर सूर्यकुमार यादववर मोठी जबाबदारी होती. मात्र गेल्या सामन्याप्रमाणे या सामन्यातही सूर्यकुमार यादवला मोठी खेळी करता आलेली नाही. सूर्यकुमार यादव ८ चेंडूंमध्ये ७ धावांची खेळी करत तंबूत परतला. भारतीय संघाकडून अक्षर पटेल आणि रिषभ पंतने संघाला चांगली सुरुवात करुन दिली.
अवघ्या ८९ धावांवर भारतीय संघातील ४ फलंदाज माघारी परतले होते. इथून भारतीय संघ कमीत कमी १५० धावांपर्यंत मजल मारणार असं चित्र दिसत होतं. मात्र नेमकं त्याचवेळी भारतीय संघाचा डाव पत्त्यांच्या बंगल्याप्रमाणे कोसळला. शिवम दुबे, रविंद्र जडेजा एकापाठोपाठ एक माघारी परतले. हार्दिक पंड्यावरही मोठी जबाबदारी होती. मात्र तो देखील अवघ्या ७ धावा करत माघारी परतला. एकंदरीतच भारतीय संघाची फलंदाजी पूर्णपणे फ्लॉप ठरली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.